首頁 日報娛樂

唱歌買嘢要求同樣高 陳潔靈10分鐘揀一件衫

21/05/2019
■無化妝嘅陳潔靈,膚色紅潤,皮膚滑又無紋。
■無化妝嘅陳潔靈,膚色紅潤,皮膚滑又無紋。 (1/7)

  樂壇殿堂級歌手陳潔靈(Elisa),月初去咗柬埔寨西港登台,好興奮晒相話可以跟老友杜德偉和B哥哥(鍾鎮濤)等喺當地gathering。日前下午,返咗香港嘅Miss Chan Chan就搵助手去中環ifc濕平。見佢揀件衫又皺眉又扁嘴,試完除低又試,足足搞咗近十分鐘,睇嚟佢買衫同唱歌一樣,都係力求完美喎! 採訪:張詠森



  現年63歲嘅陳潔靈,多年前走咗去港大修讀佛教課程,最終成為佛學碩士,日前佢有份喺紅館舉行嘅佛教活動上獻唱,做歌手之餘,Miss Chan Chan生活相當充實。

  日前下午,Miss Chan Chan零妝戴cap帽、打扮好young現身ifc。佢和女助手入咗一間時裝店睇衫。初時,見佢大方以素顏示人,六十有三嘅Elisa皮膚滑淨無紋,保養得宜。其後發現有記者,佢馬上戴番副黑超繼續揀衫。睇啱一件彩色pattern有帽外套時,Elisa皺晒眉又扁嘴,表情多多,手拎件衫360度睇均前後左右,才試上身,之後係咁照鏡,近十分鐘才扑槌購下。之後,Elisa再試cap帽、頸巾、上衣,逗留大半個鐘,大手買咗兩袋戰利品走人。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd