首頁 日報娛樂

怕26歲女友私會猛男 黃宗澤派好友人肉監察暴肥陳嘉桓

21/05/2019
■無化妝嘅Rose輪廓幾man,加上發晒福,驚現厚肉雙下巴,走晒樣。
■無化妝嘅Rose輪廓幾man,加上發晒福,驚現厚肉雙下巴,走晒樣。(1/6)

        26歲嘅陳嘉桓(Rose)去年中傳出同現年38歲嘅半億筍盤黃宗澤(Bosco)秘撻半年,兩人多次否認戀情,但早前再傳出蜜遊馬來西亞,令緋聞甚囂塵上。日前晚上,本報喺銅鑼灣野生捕獲Rose,自蜜運後幸福肥嘅佢露出厚切雙下巴及肉腿,外貌大跌watt。早前傳出Rose背男友私會猛男,當晚Bosco陪唔到女友,怕對方曳曳,於是派出「自己人」,其好友、TVB前經理人Becky幫手「湊女」,貼身人肉監察女友呀!

去年中,有指長腿陳嘉桓跟Bosco因拍攝邵氏網劇《守護神》而發展地下情半年,其後Rose被拍到猶如女主人,不時出入男友位於火炭嘅新寓所,被指展開甜蜜同居生活。被踢爆戀情嘅二人夾定口供一致否認,死撐係Bosco請朋友到家中舉行大食會。為免再斷正,二人密冚戀情。去年尾,Bosco拍網劇《飛虎之雷霆極戰》時發生意外,須撐着枴杖繼續開工。而同劇嘅三哥(苗僑偉)踢爆佢緋聞女友Rose曾帶食物到場探班,「桓澤戀」感情大躍進。

「霸氣肉腿」

  唔經唔覺,「桓澤戀」發展約一年。日前晚上8時,自言放縱飲食致脹咗成個碼嘅素顏Rose和女友人現身銅鑼灣。短褲Rose大晒招牌長腿,惜增磅後大髀多肉,行路時露出「霸氣肉腿」,加上塊面發晒福仲驚現厚切雙下巴,女神大走樣。Rose身旁嘅中女友人Becky Leung都係半個娛樂圈人,Becky係大台嘅藝員經理人,現時旗下藝人有近日受「安心偷食」變苦情男神嘅馬國明、視后唐詩詠等,最重要佢其實係Bosco在TVB時嘅經理人,就算前年「阿仔」過檔邵氏兄弟,兩人都keep住聯絡,關係好好。呢晚唔湊自己星,反而幫Bosco「湊女」,可見uncle Bosco對Rose好認真,美其名搵「自己人」照顧女友,查實咪貼身人肉監察Rose囉!只見Rose買咗袋名牌性感內衣,之後兩女在時代廣場附近等過海的士,因人多過車,Becky就打電話call的士,然後雙雙行去商場後門落客區等車走人。

採訪 : 梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd