首頁 日報娛樂

一支公食Cake飲咖啡 吳家樂密講電話好鬼忙

22/05/2019
■家樂講電話時動作多多。
■家樂講電話時動作多多。 (1/8)

  06年,吳家樂被爆同其士集團太子女周蕙蕙結婚,婚後育有一女兩子加一隻狗狗,家庭生活美滿又幸福,家樂唔經唔覺47歲,雖然有朵「45億女婿」,但佢生活低調又平實,一支公想唞吓只會去咖啡連鎖店,食件餅飲杯啡,全程電話不離手,不斷講,好鬼忙。 採訪:梁志明

  家樂近日為TVB新劇《唐人街》開工,因為同場男藝人如陳展鵬同伍允龍個個大大隻隻,家樂唔敢怠慢,努力操肌,務求人人都有肌,唔怕比下去,做Gym之餘亦要食得非常清,如白烚雞胸加西蘭花,家樂形容為外太空餐,唔難食但非常寡。

原來係大忙人

  早前下晝兩點,見到家樂一支公現身銅鑼灣,打扮平實,戴住眼鏡孭住背囊嘅佢去咗皇室堡一連鎖咖啡店食下午茶。當日佢好忙,無論排隊買嘢食定食住嘢定行緊路都講住電話,講嘢期間又動作多多,就算唔講電話,雙眼同雙手都無離開過電話,真係好忙。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd