首頁 日報娛樂

《婚內情》做廖碧兒「兵」 徐肇平:現實唔會咁冇用

22/05/2019
■肇平謂相對於烹飪節目主持,他更喜歡演戲,未來日子都想向演員路繼續發展。
■肇平謂相對於烹飪節目主持,他更喜歡演戲,未來日子都想向演員路繼續發展。 (1/7)

  黃淑儀囝囝徐肇平最近在ViuTV新劇《婚內情》中,飾演做了廖碧兒「兵」多年的教師「Tim」,為了繼續留在女方身邊甘願唔表白,暖男到暈。不過,肇平話現實中自己唔會咁冇用,有心儀對象一定會表白,唔會甘心做「兵」,難怪他跟拍拖兩年圈外女友Joey,感情好穩定,女方仲好支持他工作O添!採訪:杜淑霞 場地:The AIR(The ONE)

  肇平話最初睇劇本都要說服自己真係會有「Tim」咁嘅男人,「我真係唔明點解佢一直咁愛呢個女人,但係始終唔表白,可能我好細個未有自信時會咁做,但o依家真係鍾意一個人,我會同佢講,畀佢拒絕都好過好似『Tim』咁做『兵』,不過因為呢個角色好唔似我,所以係幾大挑戰。」

感激家人支持

  幸好今次肇平拍住好拍檔廖碧兒,仲有前輩陳錦鴻和鄧萃雯給他偷師,「我同Bernice(廖碧兒)雖然係第一次合作,但係大家都喺加拿大返嚟,中文都係唔多好,反而溝通仲容易,佢仲教我點樣記廣東話台詞。可惜同錦鴻、雯女佢哋對手戲唔多,但係都有留意佢哋演出,睇佢哋工作態度都偷到師㗎!」回流香港發展已5年的肇平,坦言16年離開TVB後發展算不俗,「近年有拍劇、出活動同拍廣告,《婚內情》後我仲幫ViuTV拍咗新劇,首次做奸角,好好玩。其實呢段日子,好多謝屋企人支持,除咗媽咪畀意見我外,家姐keep住幫我翻譯劇本,冇佢我真係開唔到工,因為佢除咗教我中文,仲幫我分析個角色。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd