首頁 日報娛樂

結婚三年仍恩愛 RB阿正細心幫老婆拎手袋

23/05/2019
■阿正與太太尚羚行街時,幫對方拎手袋。
■阿正與太太尚羚行街時,幫對方拎手袋。 (1/6)

  RubberBand(RB)隊長兼結他手馮庭正和太太尚羚(Sherine),結婚三年一直恩愛,今年仲話想生番個B。阿正一向錫老婆錫到燶,除了Sherine每逢有爵士樂表演都傍實她外,兩人一齊行街時阿正仲非常細心,事緣日前他們去中環置地買完嘢搵地方醫肚,Sherine掛住睇電話,阿正不但為老婆開路,仲全程幫她拎住個名牌手袋,真是個廿四孝老公! 採訪:張詠森

  2018年是RubberBand的豐收年,阿正希望豬年繼續好落去,他亦希望做爵士歌手的太太Sherine能大紅大紫、衝出香港,他曾表示:「希望老婆事業突然好勁,愈做愈好,始終佢做爵士樂,香港唔係咁多人識聽,如果出到外國,多啲人識就一流,我都想多啲離開香港出去做音樂。」言下之意是老婆去到邊,他都會陪住對方,即使Sherine在港舉行音樂會,他都會抽空支持,夠晒體貼。

馮太好幸福

  日前,兩公婆在中環置地廣場買完嘢,由於正值午飯時間,他們便搵地方醫肚。其間Sherine掛住睇電話覆message,阿正為了減輕老婆負擔,便幫她拎住個Chanel大手袋。他們行去食越南粉做Lunch,阿正更為老婆開路,到餐廳後又一馬當先去攞位,之後兩人邊食邊傾,約半個鐘就KO咗碗粉。離開時,阿正去畀錢,Sherine便拿着手袋在門外等候,等阿正埋完單出嚟,阿正又識做地幫老婆拎番手袋,跟住Sherine就輕鬆隨老公行去搭的士走人。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd