首頁 日報娛樂

酷熱下着厚制服拍外景 劉青雲無變樣好捱得

23/05/2019
■劉青雲身經百戰,係好專業嘅演員。
■劉青雲身經百戰,係好專業嘅演員。 (1/6)

  兩年前,《拆彈專家》在港票房大收2,000萬,《拆彈專家2》除原有班底外,仲加入影帝級人馬劉青雲、內地女星倪妮及黃德斌等,好有睇頭。之前青雲率吳卓羲及洪天明等在灣仔海傍拍一場路祭戲,時晴時雨,天氣又熱又焗,演員着住長袖制服上陣,焗到成身汗,好耐熱嘅青雲以身作則做好榜樣,眾人喺青雲帶領下快手快腳拍完收工。採訪:方騫平 攝影:張詠森

  劉德華及劉青雲相隔17年再合作拍電影,後者對今次合作讚不絕口,除咗同華仔默契依然外,同其他演員合作都非常順暢:「雖然套戲好沉重,係悲劇結局,但好奇怪,氣氛幾開心,可能所有演員方向好清晰,大家立定目標要將件事做好,反而拍得好輕鬆,去到片場冇乜大改動,執吓就可以開工,3個月內順利拍完。」

路祭又熱又焗

  青雲無吹水,之前本報記者喺灣仔直擊拍攝現場,當日場口講拆彈專家副隊長黃德斌壯烈犧牲,劉青雲、吳卓羲及洪天明等心情沉重,入黑時路祭黃德斌。現場擺咗個祭壇,由道士做法事,眾演員輪住行前上香及鞠躬,由於有成近50人送別戰友,故位置及次序唔啱要拍完又拍,每個角度拍足7個take,喺烈日當空下拍足大半日,加上天氣不穩,時晴時雨,演員戶外「乾煎」唔多好受,不過,作為「大哥」的劉青雲冇離群去嘆冷氣,緊守崗位,安靜地聽導演指示,免得一哄而散時,需時集合又會阻到拍攝。有青雲以身作則,個個演員表現進取,連新人張揚都做足表情,神情凝重上香,最後拍攝喺預算時間內完成。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd