首頁 日報娛樂

遊墾丁小琉球太正 談善言未回港已想再去

24/05/2019
■阿談滑浪有姿勢有實際,連教練都大讚她以第二次玩來說表現很好。
■阿談滑浪有姿勢有實際,連教練都大讚她以第二次玩來說表現很好。 (1/6)

  談善言早前趁有空檔跟朋友去了12日台灣,此行除了食買玩,最主要是去墾丁滑浪及到小琉球考潛水牌,由於這是阿談首度去墾丁及小琉球,她大讚兩地風景及環境一流,特別是小琉球的小島風情最令她嚮往,而她在當地不單順利考到潛水牌,更近距離接觸到一直恨見的海龜,所以未回港已決定下次再去。 採訪:杜淑霞

  阿談之前只去過台北,台灣南部是首次踏足,「最近嗰次去台北係參加金馬獎,都冇乜時間玩,所以今次同朋友先去台北,而我想考潛水牌,而朋友就想滑浪,所以去埋小琉球同墾丁,兩度都book包教練同住宿嘅package,好方便。」

開心見到海龜

  由台北到墾丁,阿談覺得當地比想像中寧靜,「墾丁冇想像中咁多人,好寧靜,又有好多好靚嘅咖啡室,仲有好多好嘢食,海鮮又平,滑浪啲海灘環境都好靚。」去到小琉球,令阿談更加難忘,而且在當地教練悉心指導下,好順利花三日時間就考到初級潛水牌,「我係第一次潛水,唔算太難,我哋每日會先上堂,再落水去實習,學足6個鐘幾充實㗎!最開心潛水期間見到我最鍾意嘅海龜,佢哋真係好得意,同埋海底啲珊瑚好靚,真係唔捨得走呀!」阿談去了4日小琉球已令她迷上,「好欣賞當地嗰種小島風情,風景又靚,未返嚟已經諗定想再去,或者嚟緊繼續去嗰度再考潛水牌都未定,反正嗰度好近香港,有幾日假期就可以再去,到時淨係去小琉球同墾丁都夠。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd