首頁 日報娛樂

心穎「帶挈」倉底劇出土 高海寧望搣甩貪錢形象

24/05/2019
■高海寧樣靚身材正,難怪受公司力捧上位。
■高海寧樣靚身材正,難怪受公司力捧上位。 (1/7)

  等咗9年,32歲的高海寧(高Ling)終於喺TVB新劇《婚姻合伙人》首做女一,兩年前的倉底貨得而重出生天,全靠老友黃心穎帶摰,對於因為老友嘅禍而得福,她答不出話來:「呢個問題好深,唔太方便回答,我諗由公司安排。」高Ling坦承之前都有着急過,因為好想順住拍攝時間播劇,唔想觀眾睇返她舊作時,以為她演技退步了。採訪:方騫平



  高海寧坦承播出前既期待又緊張,「升呢」女一係其次,反而覺得拍得好有滿足感。最開心外間評價好好,指以前的高海寧在做戲,o依家感覺係不一樣的!她如同「貝競枝」上身,經歷她人生,體會劇中人自小被父親拋棄、背叛,性格才變得自私、貪錢,唔敢相信愛情,抗拒暖男楊明。她說:「我好同情貝競枝,睇劇本都睇到喊,情緒都好down,有一段時間冇咗高海寧,有時會捉住楊明培養情緒,見親佢就會喊。」

好想攞獎獲肯定

  高Ling首次同監製潘嘉德合作,更自爆監製咁大膽搵她做難演的女一係有苦心的:「德哥話好啱我做,我個形象可以fit到角色,因為某程度上我畀人覺都係貪錢嘅女仔,佢好想利用複雜角色去扭轉觀眾對我嘅睇法,事實上內心係兩回事,而我都好想把握呢個機會令人對我印象有改觀,喺演技上得到認同,唔係只有樣貌同外殼,而且我家庭觀念好重,重家人多於金錢,當然,趁年輕梗係要爭取工作,賺錢照顧家人啦。所以,我都好恨攞獎,對演員、成個團隊係個肯定,但做視后條路就仲係好遠。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd