首頁 日報娛樂

台商男友來港短聚 莊思敏有拖拍狂Po泳照派福利

24/05/2019
■黑超莊思敏接過男方送嘅粉紅色小袋禮物,寶島大眼新歡貼身護航。
■黑超莊思敏接過男方送嘅粉紅色小袋禮物,寶島大眼新歡貼身護航。 (1/8)

  大馬拿督千金莊思敏(Jacquelin),自11年同拍拖5年嘅吳浩康甩拖後,Dry足7年,近日終於趕在39歲生日前開齋,被影到同台灣商人新歡蜜遊山頂。日前晚上,本報在金鐘太古廣場巧遇Jacquelin和男友拍拖睇戲及撐枱腳。有愛情滋潤嘅富家女,心情特別靚,近日不時喺社交網誌po比堅尼性感相派福利呀!         採訪:李維隆

  黃金盛女莊思敏月前出席活動時,提起妹妹莊思明日前放風指3年內會嫁男友楊明,Jacquelin風騷話:「我一定要快過佢!」原來伊人靜靜起革命,被指秘密同寶島新仔低調拍拖數月。5月1日Jacquelin 39歲生日開P,影大合照時,新仔都企正身旁,好友都戥壽星女蜜運高興。

新歡黑黑實實

  日前下午,Jacquelin孖寶島大眼新歡在金鐘高級商場拍拖。見薄施脂粉嘅佢戴上墨鏡、着長裙赴會,其新仔年約40歲,皮膚黑黑實實,同高妹女方企埋一齊幾襯㗎。兩人6時睇完戲,在商場閒逛一輪,見男方手上有個粉紅色小紙袋,似係冧女禮物囉。未幾,二人去咗間西餐廳食意粉飲咖啡,開餐時甜蜜哄埋傾密計,好sweet。撐枱腳至7時許,拿督女call司機接載,二人行上平台等車時都keep住前後腳,未敢在人前親暱互動。最後男方有風度幫女友開車門,再坐埋女友身旁,時間咁早,當然有下場二人世界啦!

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd