首頁 日報娛樂

三子之母少女味濃 曹敏莉行超市多人望

24/05/2019
■曹敏莉在超巿買嘢時有人眼望望。
■曹敏莉在超巿買嘢時有人眼望望。 (1/6)

  03年5料港姐冠軍曹敏莉(Mandy),自下嫁金融才俊老公張家傑後誕下兩子一女。現時她主力照顧家庭,偶爾才出席活動,皆因湊住3個小朋友相當辛苦。日前,36歲仍然有少女味嘅Mandy獨自到銅鑼灣Citysuper買嘢,她主攻整蛋糕的材料,期間吸引好多人眼望望。買完後她再去掃麵包,臨走時見到記者,更友善地揮手,不失港姐風範!採訪:李權威

  Mandy的老公都是「愛妻號」,一有時間便會幫手湊仔女,令Mandy好安慰,但湊三個小朋友真係好忙,連Mandy都話:「又要做功課,又要學嘢,(捱到瘦?)我都想,o依家好少出夜街,夜晚要留喺屋企陪佢哋做功課同湊瞓覺。」所以她坦言不會再有戲癮,反而鍾意煲劇多啲。問到會否再追多個?她立即落閘,認真搞笑。

多才多藝

  日前Mandy難得可以獨自行超巿,入到店內,她選購了很多整蛋糕的材料,明顯為仔女食得健康啲而自學整蛋糕。見Mandy好認真地揀,每樣工具及材料都好有興趣,逗留了約半個鐘,她買齊所需物品便畀錢離開。出門口之際見到記者,她即報以微笑兼揮揮手,十分友善,然後再到隔離的麵包舖買了幾個麵包才走人。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd