首頁 日報娛樂

忙到食物中毒都無留院 薛家燕想嫁女決減產

24/05/2019
■家燕姐好多Job,多到就算食物中毒都無時間留院治療。
■家燕姐好多Job,多到就算食物中毒都無時間留院治療。 (1/6)

  69歲的薛家燕日前返內地工作時疑食咗生蠔引致食物中毒,不斷屙嘔兼手腳麻痹,仲休克咗兩分鐘,幾乎暈倒浴缸!不過,因為太多嘢做家燕姐都冇時間留院接受治療,她有感而發說:「病咗嗰幾日我只能推咗啲非緊急嘅Job,做少啲,見到三個仔女事業有成,未來我都唔想做咁多幕前嘢,再咁做落去,阿女又掛住幫我手,咪會嫁唔出囉。」 採訪:方騫平 場地:工創空間 lndex

  作為經理人的大女石祐珊為家燕姐推掉了一部電影及電視劇,但大忙人家燕姐依然要返電台、主持TVB節目《流行經典50年》、處理自己朱古力及曲奇品牌生意及搞藝術中心,今年藝術中心會在內地開多10多間。另外,又會展開《薛家燕愛你無限60年演唱會》巡演,首站6月29日喺澳門舉行,到時會戴住千萬珠寶「登基」華麗登場,「之前我去贊助商試戴珠寶首飾突然諗起,不如揀返啲畀大女珊珊,其實我仲有兩個女未嫁,我怕珊珊抗拒掛金豬,上次我送咗個金『流星槌』手鈪畀新抱,o依家個個都跟風,我一定會先預畀珊珊。」

一講男友就笑

  但家燕姐最怕珊珊處理她的工作太忙,冇晒私人時間:「有時佢半夜三更都過嚟搵我講公事,如果我幕前減產,個女自然會多返啲空檔,有啲嘢都係時候交畀仔女,咁我可以印印腳談吓情,呢啲係人生樂趣,難得自己仲有呢種心情,哈!我諗男友A君最開心,佢都係等緊呢日啫。(澳門演唱會向佢唱情歌?) 唔會,唔使!因為我每次唱情歌,佢會對號入座。男友反而唱英文情歌畀我聽,每次我都答佢:『唱得唔錯喎,不如上《流行經典》唱!』男友即時話講笑咩!」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd