首頁 日報娛樂

草蜢演唱會操爆肌 蔡一傑買運動衫密冚麒麟臂

24/05/2019
■勤力做運動嘅蔡一傑,連個樣都後生晒。
■勤力做運動嘅蔡一傑,連個樣都後生晒。 (1/7)

  五十有二嘅美魔男蔡一傑,啱啱先同兩位好兄弟草蜢喺澳門做巡迴演唱會,力求完美嘅傑仔除咗勤力谷肌,仲練出好有睇頭嘅麒麟臂,務求演出交足100分嘛!日前下午,傑仔一身運動裝現身銅鑼灣一間連鎖運動舖,見佢睇鞋、揀衫又睇運動用品,逗留15分鐘,最終買咗件長袖外衣走人。 採訪 : 李權威

  剛過去嘅周六,草蜢三子在澳門舉行巡唱,事前幾個月,完美主義者傑仔已開波修身,密密做gym練體力。完咗澳門站,傑仔都未可以放鬆,皆因下月初將會孖好友伍詠薇去加拿大賭場登台,兩場騷令90年代時唱過3年歌嘅伍姑娘好緊張,近日和傑仔不時抽空練歌,伍姑娘應該都會獻唱佢首飲歌《失落於巴黎鐵塔下》啦!

聽歌shopping

  日前下午3時,傑仔一身運動look去銅記一間連鎖運動舖shopping。見佢一邊戴住耳塞陶醉聽歌;一邊睇鞋揀衫。揀衫時,傑仔仲口郁郁、頭擰擰咁似在唱歌,唔通連行街都掛住練歌?!其間揀中一件黑色長袖外衣,就禮貌向店員查詢,check啱size後即畀錢走人。行出門口時,傑仔眼利發現有記者,微微笑繼續行,短袖衫雖然遮住麒麟臂,但胸肌幾乎逼爆衫,堅大隻呀!

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd