首頁 日報娛樂

逼超市買雞肉雞蛋 爆肌劉浩龍炮製健身餐單

24/05/2019
■當日落大雨都要去買餸嘅劉浩龍,拎住雞蛋、雞肉、西蘭花等排隊畀錢。
■當日落大雨都要去買餸嘅劉浩龍,拎住雞蛋、雞肉、西蘭花等排隊畀錢。 (1/6)

  劉浩龍(師兄)早前喺廣州中山紀念堂舉行演唱會,唱出多支首本名曲又跳舞騷肌,其後佢自爆fit爆身形係開騷前一個月戒口,淨係食雞胸、蛋白等。日前晚上,努力keep fit唔係吹水嘅師兄現身銅鑼灣一超市,見佢真係買咗盒雞蛋、雞胸肉、西蘭花等,食得好清淡㗎! 採訪 : 梁志明

  劉浩龍以前肥到周身肉被人笑做「肥龍」,去年開始的起心肝專心拍戲及做健身,經過8個月努力,去年喺個唱上大晒爆肌成果,佢仲應承過歌迷會保持身上8嚿肌肉,又分享練大隻飲食餐單,要食多啲蛋白質,食恰蛋,牛肉、雞肉和魚肉等攝取蛋白質。

  Keep住有副好body,師兄近日興奮話:「由小學開始未試過買28吋腰褲,o依家可以着到細碼衫,所以唔好改變。」就算日前喺中山開騷,師兄都話唔需要太辛苦減肥:「只係開騷前一個月戒口,淨係食雞胸、蛋白等啲肌肉線條好啲,估唔到觀眾鍾意聽我唱歌多過騷肌,早知唔使練得咁辛苦!」

  日前晚上7時,本報喺銅鑼灣一超市發現師兄星縱。戴上cap帽、拎住長傘嘅佢獨自逼入超市買餸。見佢揀完盒沙律,就熟路再行去揀雞蛋、雞胸肉、西蘭花等,買齊晒餸,才排隊畀錢走人。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd