首頁 日報娛樂

擁逾30物業身家數十億 馬榮成拖老婆買三萬蚊櫈

24/05/2019
■舒適椅應該真係好舒適,馬Sir一試即鍾意。
■舒適椅應該真係好舒適,馬Sir一試即鍾意。 (1/8)

  今年58歲嘅馬榮成係香港漫畫界嘅傳奇人物,2015年親手為連載25年的《風雲》畫上句號,退休4年出鏡率多過未退休時,為善事又為電影,係呀,9月佢將做導演及監製古天樂旗下天下一電影公司拍攝的電影《風雲》,未來將好忙,所以有時間就拖老婆去買家具,來自北歐,價值近四萬的舒適椅,對擁有超過30個物業,身家數十億嘅馬Sir嚟講如同毫子,同老婆講兩句就入貨。 採訪︰梁志明

  馬Sir畫功出色,但做導演就聞所未聞。原來搵馬Sir做導演係古天樂嘅Idea,佢話:「自細睇《風雲》漫畫,好鍾意個故仔,可以同作者合作,好榮幸。馬Sir做導演係新嘗試,因為佢最清楚個故事,而且有兩個出色導演會喺現場協助佢,真係好期待。」

  據知,古仔將演出「無名」一角,對於再拍《風雲》,網友評價好壞參半,最希望唔好爛過第二集。

一試傾心

  日前晚上七點,馬氏夫婦現身銅鑼灣利園一間售賣挪威製造的舒適椅店舖,一家之主主力試櫈,試到瞓晒喺度,試完一張又一張,價錢由$34800至$36800不等,試啱同老婆講兩句就決定帶返屋企,訂貨需時4個月,落咗訂後,馬Sir就拖住老婆行去附近餐廳食晚餐。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd