首頁 日報娛樂

粉絲等13年上堂學戲 泰臣被學生熱情感動

25/05/2019
■泰臣話每次只會收十多個學生,以便有時間作個別指導。
■泰臣話每次只會收十多個學生,以便有時間作個別指導。(1/5)

        泰臣早前趁空檔開班教演戲,跟以往一樣16位學生中,有素人亦有圈中人,泰臣認為圈中人跟素人一齊學習好處多,大家互相啟發,亦令他們可重新認識自己。原來學生中有不少泰臣粉絲,有個22歲男學生,早在9歲時睇泰臣演的兒童音樂劇迷上他,美國大學畢業即來跟他上堂,令泰臣好感動。

泰臣之前已透露,以往素人學生來自各行各業,今次就有時裝業、零售業同學生,他們都話覺得泰臣好搞笑,相信上他課堂一定不會悶,果然比預期中更好玩,「除咗認識自己,釋放自己感情,仲可以減壓,上完佢堂個人都開心咗,發覺泰臣唔係搞笑咁簡單,仲好有智慧。」

蔣祖曼keep住上堂

  至於圈中人一樣有得着,星級學生蔣祖曼解釋,「其實演戲演耐咗,真係會有好多毛病出現自己唔知,所以間中都要上吓堂,幫自己調整吓。」問到泰臣每次開班她都來旁聽,她笑言因大家分屬同門兼有苦衷,「我次次因工作關係都上唔足堂,上次就上咗後期嘅,今次咪嚟補番前期囉!哈哈!」泰臣即補充,「我啲課程每次都有啲唔同,上多幾次都冇問題嘅。」

  22歲剛從美國大學畢業回來的特約演員冼康正,更自爆9歲已視泰臣為偶像,「嗰時我睇泰臣演兒童音樂劇,佢係我嘅啟蒙老師,佢令我鍾意咗戲劇,我喺美國畢業前就報名,返嚟即刻上佢堂。」聽到學生兼粉絲咁支持,平日鬼馬的泰臣都變得認真話:「好開心自己演出啟發到人,呢啲係做演員最大得着。」

採訪:杜淑霞

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd