首頁 日報娛樂

失聲後演唱有新領悟 泳兒望登陸紅館 圓母親心願

25/05/2019
■泳兒被問到將來會否結婚生仔雙喜臨門,表示一切隨心,憑感覺去做。
■泳兒被問到將來會否結婚生仔雙喜臨門,表示一切隨心,憑感覺去做。(1/8)

        泳兒(Vincy)將於6月22日到東莞舉行《重新感應泳兒演唱會In DongGuan》,相隔3年終於再有機會做大型個唱,泳兒開心同時,百感交集,因為自完成十周年演唱會後曾經失聲年多,靠靚聲搵食的她對前路感到迷惘,最終憑意志力戰勝困難。刻下她最想巡演尾站回歸香港紅館,到時中風住院的媽咪亦可以坐輪椅親自捧場圓心願,此目標比佢結婚沖喜更重要。

入行接近十五年的泳兒,好珍惜今次演出的機會,亦會派新歌《明日花》配合演出,更事先張揚會載歌載舞,將勤補拙惡補跳舞,保證有靚聲同時,亦有視覺享受。Vincy自爆年前失聲後,竟有意外收獲:「以前我會穩穩陣陣咁企喺台上唱歌,經歷教我要享受舞台,唔好太過流於表面,太公式化,人大咗要提醒自己,唔知仲有冇機會企上台唱歌,唔好畀遺憾自己,要enioy個舞台,我相信o依家嘅泳兒重新演繹歌曲時,聲線、講嘢、台風都會唔同晒,聽出嚟嘅嘢都有唔同感受,信心令我可以駕馭到成個舞台,所以今次演唱會主題叫做『重新感應泳兒』,希望大家可以睇到成熟咗、不一樣狀態嘅我。」

  熱愛唱歌的泳兒提到失聲,她謂當年開十周年演唱會時已feel到把聲唔妥,唔係唱得太順,之後變得愈來愈沙,狀態唔穩定,唯有將工作停下來,中西合璧去接受治療,甚至睇風水搬屋,去旅行放鬆心情,可惜愈急愈係反效果,心情跌落谷底:「o依家唱得OK,希望狀態比以前更加好,下個目標唱到上紅館,媽咪最大心願係睇到我喺紅館開騷,趁父母健健康康快啲圓埋佢哋心願,而且當初媽咪幫手說服爸爸畀我入行,佢最想親眼睇我有今日嘅成績,反而未有結婚生仔,沖吓喜呢啲打算,反正做咗大姑奶,傳宗接代呢啲交畀胞弟負責啦,我做返一家之主,負責屋企決策同經濟就得喇。」

採訪:方騫平 化妝:Miko Wong(Cyrus Lee Team) 服裝:b+ab

髮型:Ziv Yeung @ Hair Corner 耳環:Amelie Street

場地:富薈旺角酒店

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd