首頁 日報娛樂

得天獨厚 52歲冇中年發福危機 周海媚嫌男人煩寧單身

25/05/2019
■52歲的海味,不論皮膚質素和外形,點睇都唔似有咁大。
■52歲的海味,不論皮膚質素和外形,點睇都唔似有咁大。(1/9)

        最近在內地版《倚天屠龍記》被喻為「最美滅絕師太」、52歲的周海媚(海味)公認凍齡有法,上周四(15日)更吸引越南胡志明巿的美容中心邀請出席活動,分享持續靚心得。首次到當地的海味,亦自認keep得好,更向本報公開絕密養生秘方,不過為食的她強調完全唔戒口。講到3年多前同內地建築師男友分手後一直單身,海味話完全唔覺寂寞,仲坦白話:「有時覺得男人好煩!」寧願獨自生活樂得逍遙,她解釋本身生肖屬馬兼人馬座,「我係隻脫韁野馬!」

海味話早年憑劇集及電影已打入越南巿場,知當地有好多粉絲,但一直冇機會去宣傳,今次憑藉《倚天屠龍記》「最美滅絕師太」獲邀請都好開心,「海外觀眾同顧客咁支持我好開心,第一次嚟越南,冇想像中咁熱,風景好靚。」

澄清冇患紅斑狼瘡

  被問到外界覺得她keep得好,海味好認同,仲公開埋養生秘方,「以52歲嚟講,我都覺得自己keep得好嘅!原因係我好早開始做保養,我未夠18歲就選港姐入行,成日化妝同捱夜,好早就知一定要保養。捱夜有黑眼圈,我就用隔夜茶包敷眼消腫;又會造啲天然面膜,譬如出暗瘡就用蛋白、蜂蜜、奶粉,想白淨啲再加啲檸檬汁;又或者麥皮開水,加奶粉同蜂蜜。當然要勤力,呢個世界冇懶嘅美女。我又會睇狀態煲啲湯水,譬如開工火氣猛,就煲吓雪耳、木瓜、雪梨呢啲湯水,比較清潤嘛!」凍齡有法的海味,完全冇諗過去微調,「我認真咁去照過鏡,覺得自己真係唔需要囉!整咗更加唔自然,有皺紋咪有皺紋囉!我都50歲有多,有皺紋都好正常啫!冇先唔正

常啦!」

  保持身形,海味就笑言講出嚟驚俾人打,「其實我天生骨架比較高挑,細個對腿好似支電燈柱咁,可能似媽咪腰短腿長,我冇乜特別戒口,照食快餐、薄餅、特別鍾意食朱古力,講出嚟係咪會俾人打㗎!唯一係兩年前朋友搵我做戒煙大使,答應咗第二日就戒咗,最初真係肥啲腫啲,可能味覺返嚟,食咩都好味,但兩、三個月後慢慢瘦番正常番。連啲皮膚都好埋,由黃變白。」講到健康,海味再次澄清絕對冇患過紅斑狼瘡,「都澄清咗好多次都冇人理,我只係自細血小板偏低,容易撞瘀同埋難啲止血,但唔使食任何藥,完全唔影響

生活。」

成立工作室搞製作

  講到3年多前同內地建築師男友分手後一直單身,海味坦承:「有時覺得男人好煩㗎!口依家好少男人可以吸引到我,我又唔係冇見過男人,見得多啦!我好享受自由自在生活,我人馬座仲要屬馬,我係隻脫韁野馬!你嚟管我就唔該行開啦!(如果有個畀到你極度大自由度嘅男人呢?)呢啲出現咗先算,我唔係決絕哋唔會接受感情,有合適就諗吓,但唔會強求,我由20幾歲開始,已經可以一個人行街同睇戲,由已早場睇到午夜場,我好享受一個人嘅活動,點解會寂寞呢?我充實㗎!有句話:你真心愛自己,就可以同自己好好相處。」

  提到香港觀眾好掛住她,但近年看她演出都要聽配音,包括今次《倚天》,海味即笑言:「都係TVB孤寒,冇搵我返嚟配音,哈哈!」問到再拍港劇可能,海味話要各樣條件適合先會考慮,「我都幾十歲,休息好重要,同埋想有晒劇本,港劇初期都會有晒劇本,但口依家比較難,反而內地因批文唔會大改劇本,做演員會安心啲。同埋自己積落好多舊患,都係TVB當年送畀我嘅大禮!拍《倚天》時講明唔可以吊威吔,監製都肯遷就。」近年成立個人工作室的海味,仲話相比於幕前更愛幕後工作,未來日子可能會放更多時間去搞製作。

採訪:杜淑霞

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd