首頁 日報娛樂

結婚18年 老婆唔使做家務 「寵妻狂魔」吳鎮宇撇囝 二人世界

31/05/2019
人妻唔打扮
■鎮宇嫂平時出街唔愛化妝,四眼束髮打扮又樸素,有個明星老公都唔會亂fing錢,抵讚。
人妻唔打扮 ■鎮宇嫂平時出街唔愛化妝,四眼束髮打扮又樸素,有個明星老公都唔會亂fing錢,抵讚。(1/11)

58歲嘅吳鎮宇,自14年同阿仔Feynman(吳費曼)拍《爸爸去哪兒2》爆紅後,早前二人又合演鎮宇自導自演嘅新片《轉型團夥》,父子檔長搵長有。而多年嚟,鎮宇愛妻王麗萍樂於做其背後嘅幸福女人,完全唔使做。日前下午,喺北京工作嘅鎮宇返港幾日,撇甩囝囝約咗低調老婆去銅鑼灣拍拖shopping。結婚18年老公都一條心,鎮宇嫂平日只係得一份job就係專心湊仔,唔怪得48歲嘅佢keep到凍齡啦!

嚟緊8月,吳鎮宇將跳上舞台,孖王菀之、袁富華等合演港版著名百老滙愛情音樂喜劇《First Date》。日前下午5時,佢就抽空陪愛妻拍吓拖,先見密封靚仔樣嘅佢獨自現身銅鑼灣潮店睇衫,唔啱心水就轉入另一間潮店。呢次鎮宇落足心機慢慢揀,仲趁無乜人除下口罩唞唞氣,未幾又打吓電話,似乎大把時間咁。

逗留15分鐘,人夫揀咗兩件衫埋單,其愛妻王麗萍亦較啱timing前來會合,之後兩公婆恩愛拖手打的離開。四眼素顏吳太打扮好樸素,婚前在新加坡做model嘅佢98年與鎮宇喺香港一間disco一見鍾情,二人01年先在夏威夷搞咗個海邊婚禮;翌年底再在泰國舉辦婚禮。婚後,人夫落order,老婆乜都唔使做由佢養。早年《爸爸2》,極低調嘅吳太激罕亮相節目,仲話首次為丈夫下廚煮蛋炒飯,可見多年來被老公錫到燶。

素顏吳太 藥房掃貨

        另一日,鎮宇唔見影,鎮宇嫂就偕兒子帶埋外傭,展開平日嘅湊仔生活。鬈起長髮、打扮師奶嘅王麗萍着拖鞋攬囝囝現身銅鑼灣一商場。10歲Feynman瘦咗又高咗,兩母子沿途有傾有講,外傭就拖住車仔跟尾。呢日,吳太shopping意欲好強,喺商場買咗幾袋名牌朱古力,再去銅記嘅藥房大手入貨,買咗多款保濕面膜,目測起碼有十盒。唔使做又咁勤力敷面,唔怪得吳太皮膚滑溜,keep到凍齡啦!最後吳太帶星級阿仔貼地搭港鐵返家。

採訪 : 梁志明

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd