首頁 日報娛樂

何猷君甜爆陪未婚妻搵四太飯局 奚夢瑤上圍升CUP 睇BB牀

05/06/2019
■便服look嘅猷君一手拎戰利品,一手夾住外套及雜物,與紮馬尾嘅淡妝未婚妻奚夢瑤飯局後落樓。女方雖然包到冚,但明顯增磅。
■便服look嘅猷君一手拎戰利品,一手夾住外套及雜物,與紮馬尾嘅淡妝未婚妻奚夢瑤飯局後落樓。女方雖然包到冚,但明顯增磅。(1/8)

        24歲高富帥、賭王四房孻仔何猷君(Mario),上月中化身白馬王子在母親(四太梁安琪)名下嘅上海尚嘉中心,向30歲名模女友奚夢瑤(小明)跪地求婚成功。當時有傳女方腹部微隆,惹來雙喜臨門疑雲!及後,小明現身康城時,被問到是否有喜?佢似默認甜笑說:「你們怎麼想的,你們開心就好。」日前晚上,本報喺銅鑼灣巧遇小明偕女親友去睇BB牀,當日猷君未婚妻上圍更明顯升cup,加上偶爾摸肚,似足初孕。難怪就快做daddy嘅猷君全程心花怒放,冧笑不停啦!

今年何家接二連三傳出喜事,三房猷啟做咗爸爸、四房大女何超盈宣佈與哈佛學霸男友Thomas Xin訂婚兼有喜,猷君又喺上海浪漫求婚,當晚明顯肚凸嘅奚夢瑤化身馬里奧遊戲中嘅公主,佩戴小皇冠現身,讓馬里奧猷君(洋名Mario)嚟「拯救」。其後,小明亮相康城影展紅地氈,身穿白色蛋糕裙,大騷豐滿上圍兼長腿及美背,但腰間開窿設計被影到擠出贅肉,再度掀起懷孕傳聞。

  日前晚上7時,奚夢瑤偕一位闊太打扮嘅熟女現身銅鑼灣利園。小明穿上小背心配深色運動套裝,小背心下上圍由32A升至33C,仲露出一吋事業線,好有睇頭。先見佢放長頭髮與auntie行名店,其間不時摸肚,孕味極濃。其後,兩女喺商場坐低休息,小明突除下外套露出白滑玉背勁養眼。休息片刻,二人轉行童裝樓層,入咗一間名牌童裝店睇BB牀。高妹小明挨在牀邊仔細研究,auntie就摸吓牀仔質料,又睇吓組合櫃,最後拎咗本catalogue走人,然後搭(車立)往酒家搵四太及猷君dinner。

  眾人食足逾兩小時,大約10時許,見四太先行離開,未幾猷君拎住袋戰利品陪未婚妻落樓。紮馬尾嘅小明邊行邊玩手機,而猷君則表現好風騷,有愛人喺身邊全程冧笑,又落足嘴頭o氹女,準新人沿途甜望吹水,場面好sweet。最後,兩人等司機接載,再返家繼續二人世界。

採訪 : 梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd