首頁 日報娛樂

同偶像張晉拍戲隻揪 六呎UFC拳王變怕醜仔

06/06/2019
■拳王Silva一講起功夫便停不了。
■拳王Silva一講起功夫便停不了。 (1/6)

  張晉(Max)及劉心悠等主演的電影《九龍不敗》邀得人稱「蜘蛛人」的Anderson Silva加盟成為張晉嘅對手,由動作指導董瑋設計多場拳拳到肉,埋身肉搏戲。身高6呎2吋,體重186磅的Anderson Silva係16連勝的UFC拳王,不論身形及拳風,跟5呎8吋,143磅的張晉比較,絕對佔上風,但他面對Max時竟變成怕醜仔,面紅紅不停傻笑,因為佢話和偶像合作實在太夢幻。採訪:方騫平 場地:kd-fitness@觀塘

  首次來港拍電影的Anderson Silva一啲都唔錫身,十分敬業:「我睇到董瑋同李小龍嘅合照,知道佢同李小龍拍過《龍爭虎鬥》,飾演向李小龍請教功夫嘅少年。嘩!難以置信佢竟然搵我合作,真係好幸運。因為我好鍾意中國功夫,細細個有睇董瑋嘅功夫戲,今次合作有好多回憶,有份情意結,我尊稱佢做師傅。今次拍得好開心好舒服,我好鍾意香港,好有興趣繼續喺香港拍戲,煞科時好唔捨得。」他更忽發奇想話,都想同成龍及甄子丹合作,希望一齊合作打壞人。

同張晉分享仔女經

  談到張晉,Anderson Silva由猛男變怕醜小粉絲,「發夢都估唔到可以同偶像合作,佢嘅《殺破狼2》、《葉問3》同《一代宗師》全部有睇,佢真係打得好好,同佢拍嘅每場戲都好難忘。戲中佢出手好重,係有要求嘅演員,不過,我同Max有默契『講打還打,打邊度都得,唔好打我面!』張晉教我好多嘢,例如點樣去配合電影畫面、拍攝角度等。好記得第一次見到Max時,Oh my God!因為佢唔多講嘢,搞到我有少少緊張,直至拍咗幾日戲先至變老友,Max有兩個女,我有3仔2女,大家坐埋就分享仔女經。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd