首頁 日報娛樂

遺憾康城見唔到畢彼特 榮文蔚埋身同里安納度合照

06/06/2019
■有經驗的榮文蔚,行紅地氈時表現大方。
■有經驗的榮文蔚,行紅地氈時表現大方。 (1/7)

  名媛榮文蔚(Yvette)早前獲品牌邀請出席康城影展,她表示已是第4年出席。由於很多名人紅星之前都見過,稱得上是朋友,包括奧斯卡影帝里安納度狄卡比奧,所以就算里安納度有保鏢護實,她都能輕易埋身影合照。另外又見到賭王千金何超儀(Josie),她表示兩年前大家一齊去康城,今年再相遇好開心! 撰文:李佩儀

  Yvette在康城出席了多個盛大晚宴和party,最多試過一日去三個,「以前出席會係想集郵,但今次係想同朋友打招呼,因為我近年主力做慈善同藝術工作,除咗幫啲團體籌款,最希望可以將中國文化帶去外國,促進中西文化交流,好似今次見到個畫家,都問佢有冇興趣嚟香港開畫展。」由於要做「正經嘢」,她稱沒有時間去旅遊和購物,不過在品牌晚宴聽到美國天后Mariah Carey唱歌很難得,「以前聽過佢嘅concert,但未試過咁近距離,佢唱咗8首歌,真係唱得好好!」

  而拍過《火拼時速》的荷里活演員Chris Tucker與Yvetta見過幾次面,今次更一齊去party,Yvette指Chris好搞笑,「淨係睇過佢做戲,冇諗過佢會扮歌手唱歌咁搞笑。」而其中一個晚宴她巧遇里安納度,Yvetta續說:「之前佢嚟香港一齊食過飯,佢個人好nice,咁啱見到就埋去影相,(係咪好多人搵佢影相?)其實唔係咁易,因為始終有bodyguard,因為我識佢先影到。」但其實Yvette最想見畢彼特,可惜抽唔到時間去他會出席的party,緣慳一面。而見到Josie她都覺得好驚喜,Yvette解釋:「真係冇諗過見到佢,話晒兩年前我哋係一齊去康城,所以今次喺同一地點見番好開心。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd