首頁 日報娛樂

簽馬浚偉拍新片 67歲顧美華抽空陪老公拍拖

06/06/2019
■67歲嘅顧美華保養得宜,佢話平日愛耍太極,又曾學跳K-pop。
■67歲嘅顧美華保養得宜,佢話平日愛耍太極,又曾學跳K-pop。 (1/7)

  早前,馬浚偉(馬仔)自編自導自演嘅舞台劇《生前約死後》,搵嚟顧美華喺劇中同佢飾演兩母子,舞台劇叫好叫座,近日馬仔以原班陣容開拍同名電影。簽咗「阿仔」(馬仔)工作室嘅顧美華,日前下午抽空陪丈夫Andy去銅鑼灣拍拖。老夫老妻揀睇戲時一唱一和,見其圈外老公喺人群中緊張捉實太太玉手,相當恩愛㗎!        採訪 : 梁志明

  近年復出拍戲嘅顧美華,雖然年屆六十有七,連兩個孫都已經分別廿歲及14歲,但美魔婆婆仍保養得宜,全因長居美國養尊處優多年。早前,顧美華因與馬仔合演舞台劇好啱嘴形,更答應加盟對方工作室,成為旗下首位藝人。兩人近日開拍電影《生前約死後》,希望鼓勵一啲患癌症家人嘅親人,面對至親離世後如何面對及積極人生。

  日前下午3時許,顧美華戴上眼鏡跟第二任丈夫Andy Yen現身銅鑼灣一商場。早前顧美華坦言為演出舞台劇,緊張失眠而消瘦6、7磅,當日見佢個樣望落有啲憔悴,但高挑苗條,六十幾歲人仲係有型有格,氣質跟一世㗎。同行嘅老公就負責拎傘,一直守護愛妻身邊。

  見兩夫婦在戲院揀戲睇,老公用把遮篤吓;太太亦手指指一齊揀。不過,似乎呢個時段無戲睇,二人無癮離開。在鬧市並肩行時,顧美華老公終於緊張捉實太太玉手,好sweet咁走人。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd