首頁 日報娛樂

首次合作聲演動畫有火花 許廷鏗被欣宜鬧爆好無奈

06/06/2019
■現實中成日火星撞地球嘅鄭欣宜及許廷鏗,兩人聲演動畫中的敵對角色,兩人都話好好玩。
■現實中成日火星撞地球嘅鄭欣宜及許廷鏗,兩人聲演動畫中的敵對角色,兩人都話好好玩。 (1/6)

  鄭欣宜(Joyce)及許廷鏗(Alfred)形容兩人是「異父異母低能巨孖寶」,兩人最近齊為動畫電影《樣衰衰奇兵》配音。片中聲演大劉(Lou)的許廷鏗自命完美男神,擺明睇Joyce聲演的騎呢粉紅色怪公仔Mo姐(Moxy)唔順眼。兩人坦承有少少現實的影子,Alfred直認曾經被掌聲蒙蔽而自大過;而欣宜就唔太介意外表,近年只求發展自己的音樂。不過,Alfred強調從來冇嫌棄過欣宜,成日嗌交永遠都是由他讓步。採訪:方騫平 場地:SDI Media Hong Kong

  兩人首次合作配音,因為係敵對角色,所以都幾有「火花」!欣宜直斥Alfred係壞人:「戲入面佢成日踩我,潑冷水話:『你咁樣衰點會搵到主人?算把啦,你唔屬於呢個世界。』有把咁熟悉嘅聲音,講呢啲咁hurt嘅說話,我好傷心呀!佢真係幫到我配喊戲,一take即搞掂。」Alfred都覺得對白去得太盡:「出場時我嘅對白係『等陣!你睇吓呢隻嘢,點解可以咁樣衰嘅?』因為最初未拿捏到把聲,等陣呢兩個字花咗唔少力氣去講,仲搞到喉嚨痛。」

鬥氣孖寶

  對於角色性格,Alfred話,「大劉角色好自大,踩低人抬高自己,其實接受唔到自己某一部份,但世界冇完美,最後收場都幾慘。」他更自爆第一日錄音後,Joyce留言鬧爆佢。「佢話:『我好嬲你,好憎你,夠膽死同我講呢啲咁嘅嘢…』重點係,角色嚟㗎!」欣宜就話好鍾意動畫帶出嘅訊息,mo姐未必係審美標準及格嘅公仔,但佢嗰種覺得世界有希望嘅信念,感染到身邊朋友開心,好有教育意義。」另Alfred強調是欣宜頭號fans,兩人互派定心丸。欣宜認同說:「唔知點解,每次我演出,佢出現真係會令我鎮定好多,好似有次喺台邊準備出場,佢咁啱經過就定晒。」許廷鏗自爆說:「你以為係咁啱呀?我特登撲過嚟搵你㗎!」欣宜不領情還加句:「哈!你即係遲到啦!」聽到Alfred反晒眼。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd