首頁 日報娛樂

一支公食拉麵醫肚 謝天華騎綿羊仔好卡通

06/06/2019
■天華預備起行,動作好得意。
■天華預備起行,動作好得意。 (1/7)

  51歲嘅謝天華老來得子,大仔謝浩飛(Theo)4歲,細女Mia去年10月出世, 一家四口好幸福,以往天華久不久都有啲緋聞傳出,做咗老竇後緋聞係零,咪幾好囉。日前下晝1點,天華一支公騎住綿羊仔去大坑食拉麵,食完騎返綿羊仔走,全身黑,一向好Man嘅天華騎住綿羊仔感覺好得意。 採訪:張詠森、李維隆

  做咗老竇後,天華將工作減少,好好享受湊仔樂,近月忙拍電影外就只有本月尾幫家燕姐澳門演唱會任嘉賓, 負責抱起佢跳舞。

  早前就出席ViuTV節目《友枱VIP》,節目中提到他在劇集《神鎗狙擊》中,一手攀石、一手聽電話,多年來被網民恥笑,原來構思出自謝天華本人,他續說:「原意想俾觀眾一啲新鮮感,冇諗過畫面會畀網民cap圖瘋傳。」笑。

醫完肚即閃

  當日,戴黑帽黑超,穿黑衫黑褲黑鞋的天華獨自到大坑食拉麵,快食半個鐘就離開,行出門口時不斷擰轉面唔知望乜,然後再去便利店買火機,綿羊仔泊喺便利店門口,天華開車尾箱換頭盔再上車走,全程無乜人留意佢,好自由自在。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd