首頁 日報娛樂

爆B女開心結實夠肥美 欣宜讚婷婷是稱職媽咪 

06/06/2019
■鄭欣宜和吳業坤昨一齊出席電台活動。
■鄭欣宜和吳業坤昨一齊出席電台活動。 (1/4)

  謝婷婷在溫哥華秘密誕女,B女生父身份神秘,引來傳聞不絕。作為婷婷好友的鄭欣宜,昨出席活動時護友心切,只肯透露婷婷是稱職媽咪,而B女是開心結實肥美B,已為她改名為Jelly Bean,因為一聽個名就好開心。



  鄭欣宜、吳業坤、吳浩康、陳柏宇和江海迦等昨日出席電台活動。提到婷婷榮升媽咪,身為她好友的欣宜也替婷婷開心說:「我有傳短訊恭喜佢,但我唔方便回應太多,留畀當事人自己講。(去年同婷婷喺溫哥華相聚時已知道喜訊?)當時我哋都好開心,因為好耐冇見,仲一齊食日本菜。」問婷婷的男友有否一起食飯,欣宜未有正面回答;再問B女是否混血兒時,欣宜即以自己快出新歌扯開話題。

  有傳B女父親是婷婷在溫哥華讀書時認識的有錢朋友,欣宜續稱:「傳聞就係傳聞,最重要係佢母女平安同開心。上個月我探過婷婷,亦有同B女玩,婷婷自己落手落腳湊好上手,希望B女大啲,佢哋會一齊返港。(B女似媽咪嗎?)佢肥美結實又開心,我已經幫佢改咗名叫Jelly Bean。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd