首頁 日報娛樂

愛女拍拖 老婆忙打理潮店 陳奕迅開心「吹神」生活

06/06/2019
■Eason呢日放假有幾happy?睇相就知啦!企喺度吹水都可以吹足逾兩個半小時。
■Eason呢日放假有幾happy?睇相就知啦!企喺度吹水都可以吹足逾兩個半小時。(1/8)

        陳奕迅(Eason)早前連日走訪香港各大專院校,為專輯進行巡迴分享會時,到公開大學一站卻被台下學生辣㷫,斥責頻玩手機嘅學生唔尊重,當場黑面。不過,喜怒形於色嘅Eason好快淡忘,無晒事啦!日前下午,唔使湊女、愛妻徐濠縈又已重投潮店生意嘅人夫樂得清閒,就一支公揸車往上環搵friend過日辰。見佢發揮其吹神本色,大笑吹水又玩吓狗仔,娛人又娛己,天生食娛樂圈飯㗎!

陳奕迅前排去咗瑞士「叉電」,今個月尾會去台灣出席《第30屆金曲獎》,Eason憑專輯《L.O.V.E.=愛》入圍年度專輯獎、最佳專輯製作人獎及年度歌曲獎,對於問鼎《金曲獎》三獎,佢開心回應:「太不可思議了!」等攞獎期間,Eason日前心情靚靚現身上環普慶坊。當日傍晚6時,佢戴帽好casual咁去一間專買潮tee、帽嘅潮店搵四眼男友人吹水。兩個大男人喺店內傾咗陣,隨即出舖頭一邊食煙一邊傾偈。雖然偶爾被途人認出,但Eason全無架子,會微微點吓頭,甚至應fans要求合照,o氹到忠粉眉開眼笑。

  未幾,一短褲男拖兩隻柴犬路過,本身有養狗嘅Eason見到可愛狗仔即主動逗玩,又大動作與狗主傾狗仔經,笑聲不絕。其後,Eason應狗主要求拖兩狗去樓梯影合照,吹神仲熱情拖住狗仔,愛心氾濫。見Eason踎低笑笑口與柴犬合照,其間又發揮搞笑本色,扮狗仔木無表情,隨即又大笑,無厘正經。親親狗仔後,Eason再折返潮店搵老友吹水,見佢不時手舞足蹈,又招牌式誇張大笑,吹水局氣氛超好。最後,兩兄弟踎低齊齊share盒燒味,食完差唔多8時半dinner time,Eason就揸車返壽臣山道屋企「交人」。

採訪 : 梁志明、張詠森

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd