首頁 日報娛樂

《法證IV》臨危授命 湯洛雯未入局成NG王

08/06/2019
■黃浩然與湯洛雯重拍幾日已有默契。
■黃浩然與湯洛雯重拍幾日已有默契。 (1/4)

  湯洛雯(靚湯)近日頂替黃心穎重拍無線新劇《法證先鋒IV》,日前晚上她跟黃浩然於觀塘拍外景,二人透露剛重拍第三日,非常順利。靚湯坦言有壓力,因距離上一次拍劇已經約5個月,需時入局。她感激同劇演員非常有耐性,令她安心很多,但都成為「NG王」。



  拍攝當晚雖然勁熱,但二人均努力演出,黃浩然表示跟湯洛雯合作好順利,他說:「其實對於靚湯係幾高難度,套劇都拍晒,臨危授命,佢已經銜接得好快,亦知道佢做咗好多功課。」靚湯笑說:「第一日開工我的確係未warm up,NG咗幾多次,變NG王。好彩佢同譚俊彥都好有耐性,如果唔係咁有耐性,我會愈來愈驚囉。」對手黃浩然力撐靚湯,提到劇中對白的確有難度,他笑說:「其實我哋都係,第二日已經即刻表演畀佢睇啦!」

  談到臨急頂硬上,靚湯說:「其實拍之前係最大壓力,拍拍吓就好番少少。」黃浩然坦言自己都有點緊張,因劇集已拍完但又想撇除之前的演繹。問到是否要趕及今年播出?他表示因仍需後期製作,相信今年未能播出。另外,問到靚湯減磅是否已達標?她笑說:「梗係未啦!邊有咁快啊!好彩拍檔夠高大,我可以着高跟鞋。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd