首頁 日報娛樂

否認要退出幕前 陳貝兒夢想法國開茶座

10/06/2019
■在日本首次穿和服的陳貝兒,都幾有氣質。
■在日本首次穿和服的陳貝兒,都幾有氣質。 (1/7)

  陳貝兒(Janis)為主持TVB節目《嫁到這世界邊端3》,去完尼日利亞、埃及、摩洛哥及日本德之島外景後得返半條人命,瘦到得返棚骨。近日網上不停傳她退出幕前拓展美容事業,Janis否認攰到心力交瘁要退出!她強調說:「呃人㗎,唔好信呀!I'm happy,從來冇諗過退出娛樂圈,反而夢想可以喺法國開間小café,但未有時間表。」 採訪:方騫平

  近日陳貝兒風塵僕僕好辛苦,去完北非僅30小時又馬不停蹄出發到日本寧靜的德之島:「今次尋訪嘅人妻喺日本做農夫,我就第一次做村姑落田耕種,親手栽種最愛嘅粟米、薯仔,親自體會農民日出而作,日入而息生活,因為落田暴曬,體能負荷好大,加上天氣唔好,陰晴不停,拍攝時間又太緊逼,唯有由朝拍到晚,真係同做農夫冇乜分別。不過都有苦中作樂時候,今次都有入鄉隨俗首次換上和服,幫我着和服嘅專業人士猛讚我似『㗎妹』,話我有潛質嫁過嚟日本,應該有好多日男鍾意我呢類型女仔喎,哈!」

  對於傳她要告別娛圈,回復單身的她笑住否認為情傷:「唔會啦,o依家好開心,好享受單身生活,四周遊歷,體驗吓其他人妻幸福快樂生活。不過堅係忙,日本返到嚟僅得一星期準備,就要去考個專業法國甜品課程,兩日內考咗3個試,一共20幾個鐘頭喺廚房,幾驚pass唔到嘥咗呢大半年嘅課程呀,好彩獲頒獎狀,成功取得法國執業廚師資格。(用法式甜品冧仔?)為自己開心嘅,又可以開心share畀身邊朋友呢份甜蜜幸福嘅感覺,而我夢想將來可以喺法國開間小café。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd