首頁 日報娛樂

新劇演夫妻暫忘兄妹情 馬明讚唐詩詠好好咀

10/06/2019
■馬明話咀「阿妹」詩詠全冇尷尬。
■馬明話咀「阿妹」詩詠全冇尷尬。 (1/4)

  馬國明、唐詩詠、郭晉安、李佳芯、何廣沛和馮盈盈等昨日出席新劇《白色強人》宣傳,馬明和詩詠這對好「兄妹」,劇中首度合演夫妻,更有不少親熱戲,兩人強調因太投入角色已忘卻兄妹情,甩拖馬明更鬼馬讚詩詠至好咀;而馮盈盈更預告同何廣沛四塊唇疊埋一齊。

  馬明與詩詠透露劇中首度合演夫妻,他表示劇中兩人已離婚,本是沒太多親熱戲,但他覺得親熱戲更能帶出感覺,於是向劇組爭取。問馬明咀阿妹(詩詠)會否尷尬NG?馬明笑言:「戲入面就唔理,我好投入角色,冇兄妹感覺。(詩詠好咀?)我相信全世界的男人都會話好咀嘅!」詩詠則指二人劇中感情戲很到肉,即使咀戲也感覺良好。問到可擔心咀戲會被緋聞男友Samuel(「教育界王力宏」陳思銘)睇到?她說:「我都冇男友,關佢乜事?」日前《鐵馬尋橋》的一班演員為詩詠與林子善補祝生日,不過馬明卻沒到場,他透露因大家一直改期,又因約了圈外朋友而未能參與。

  盈盈與廣沛在劇中演一對,她表示會獻出熒幕初吻,「嗰套(《果欄中的江湖大嫂》)有借位,呢套冇花冇假,四塊唇疊埋一齊。」問會否批准男友「寶寶」睇這幕戲?她笑言會正面面對。今日(6月10日)25歲生日的盈盈撞正該劇首播日,她笑言:「仲係我新屋入伙,同寶寶嘅第一晚!加埋套劇首播,係三喜臨門!」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd