首頁 日報娛樂

做完運動買餅乾 莫文蔚又係低頭族

11/06/2019
■Karen一買完嘢出嚟見到記者就笑。
■Karen一買完嘢出嚟見到記者就笑。 (1/7)

  莫文蔚(Karen)本周六將喺新加坡舉行25周年世界巡迴演唱會新加坡站,之前喺當地開記招,佢話呢次巡演係人生最後一次,剛49歲佢強調唔係退休,只係想簽樂團同埋主辦音樂劇。日前傍晚,滿肚大計嘅Karen喺太子大廈超市出現,從其裝扮及行裝可見,明顯做完運動,快手買完餅乾就行上車,沿途上落電梯又要行天橋,全程Karen都Keep住耷低頭撳電話,見人過人,低頭族嚟講算幾敏捷。 撰文:李權威



  去年,莫文蔚成立音樂廠牌「Mok-A-Bye Baby Records」,希望能簽下樂隊,亦計劃創辦屬於華人的音樂劇,她會參與幕前幕後工作。Karen以前好鍾意去倫敦睇音樂劇,亦曾為《西貢小姐》(Miss Saigon)試鏡,佢話,「我想要從零去創造屬於華人的音樂劇,好似紐約有百老匯,我覺得大中華區夠大,應該有屬於自己嘅版本,希望我喺呢方面作出貢獻。」

  日前,好有抱負嘅Karen喺中環做完運動之後去超市買餅乾,因為目標明確,一入去即拎貨再行去畀錢,連埋排隊唔使五分鐘,買完嘢出嚟見到記者影相即刻笑,仲笑到見晒牙,咁開心咩?然後佢落電梯再穿嚟穿去,再行出去上車,不過呢,經記者觀察,無論搭扶手電梯定行緊路,Karen都係耷低頭撳電話,對條頸唔好之餘亦容易有意外,要改嘞。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd