首頁 日報娛樂

有初戀Feel 陪未婚夫剪頭髮 待嫁梁靖琪嘴角含春

11/06/2019
陪伴浸禮
■今年3月,Toby接受浸禮儀式,家人及Jon亦有陪伴出席。
陪伴浸禮 ■今年3月,Toby接受浸禮儀式,家人及Jon亦有陪伴出席。(1/9)

        36歲梁靖琪(Toby)年初在訪問中狂讚細自己8年嘅圈外靚仔男友Jon Sze(施雋賢)心地好,細心又浪漫更直認有再婚計劃,話口未完已被爆入紙排期結婚。日前傍晚,全身黑嘅Toby陪住亦係全身黑嘅未婚夫等位剪頭髮,等候時間20分鐘,呢對準夫婦全程好好傾,之後四圍望嘅Toby發現記者表現怕醜,「含春樣」相當可愛。

對被爆入紙排期,Toby坦言:「我和Jon的感情由相識到現在都很穩定,所以已於去年訂婚,並計劃今年內會註冊結婚。」雙魚座嘅Toby性格浪漫,曾在社交網同男友示愛,留言:「被某人深深地愛着會給你力量,而深深地愛一個人會給你勇氣。」好似社交網啲女人自強語錄。

講出口生夠兩個

  一講男友,Toby超勁開心講唔停,「我同男友最近參加Spartan Race(斯巴達障礙賽),平時都會帶佢啲狗仔一齊行山做運動,大家有共同興趣。其實我之前都鍾意做運動,但冇呢一刻做得咁犀利。」對男友有讚無彈之餘,Toby坦言好想為Jon生仔,仲希望生夠兩個,難怪拍拖年半就急住結婚。

一直尷尬怕醜笑

  當日傍晚六點,穿黑色情侶裝嘅Toby同Jon現身銅鑼灣希雲街,兩人坐喺一間Barber Shop嘅門口等位剪頭髮,Barber Shop只招待男士,所以好明顯Toby怕男友悶所以陪佢等。等候時間20分鐘,Toby一直Keep住同男友傾偈,話題源源不絕,坐住傾或企住傾,總之好好傾。終於有位剪頭髮,男友入咗鋪, Toby繼續喺店外等一陣繼而發現記者,可能知道廿四孝未婚妻行為曝光有啲尷尬,仲跌咗支水落地。之後佢入Shop通知未婚夫,再指一指店外記者站立位置,眼神示意「你睇吓你睇吓。」全程笑唔停,待嫁心情非常好。

採訪:梁志明

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd