首頁 日報娛樂

兩歲Jazz好活潑 蘇永康商場「捉仔」好搞笑

12/06/2019
■着得好有型嘅Jazz行先,阿公緊隨。
■着得好有型嘅Jazz行先,阿公緊隨。 (1/8)

  51歲的蘇永康(阿公),兩年前以近半百之齡做老竇,自此佢個ig嘅Follow量瘋狂增長,天知地知阿公自己都知,突然咁有人緣絕對同佢個仔蘇展弘(Jazz)有關。有子華同Eason做契爺嘅Jazz話咁快兩歲幾,識行識走仲識擺甫士,得意到癲。上周四,阿公同Jazz及阿公媽媽等一行五人去利園行街睇BB嘢,等電梯期間,Jazz仔玩急走,為怕電梯到阻到人,阿公快步捉返Jazz回歸,再抱實入電梯。 採訪:梁志明

  有仔萬事足,阿公每次蒲頭都會提起囝囝,更特別創作《All That Jazz》大談父子情。

  對於有家庭又有事業,阿公直言︰「人要知足的,此刻算是很圓滿了!」順帶一提,6月21及22日阿公將聯同86人廣州中樂團踩上紅館舉行《All That Jazz(Pop)》演唱會,阿公之前講過囝囝有可能去睇Show,各Jazz Fans留意返。

Jazz真人Show

  當日傍晚6點,阿公一行五人去咗銅鑼灣利園二期睇bb嘢,再行去一期搭電梯走,見到有型嘅Jazz行先,阿公緊隨,之後輪到阿公媽媽同傭人姐姐及一男士,等電梯期間,Jazz仔行嚟行去,又擺晒甫士,手仔郁郁好得意,之後又突然玩疾走,為怕Jazz愈行愈遠,阿公叫咗一聲Jazz,示意囝囝唔好行太遠,電梯就到,阿公唔等囝囝折返,行快幾步捉番囝囝,畫面好好睇。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd