首頁 日報娛樂

台灣尷尬相睇食白果 陳煒求姻緣獲好籤

12/06/2019
■煒哥為工作再去台灣傷心地。
■煒哥為工作再去台灣傷心地。 (1/7)

  回復單身7年的陳煒(煒哥),之前為TVB新節目《如果這樣生活》到失婚傷心地台灣拍攝4日,其間被安排參與兩個相睇活動尋找第二春。現年45歲的煒哥首要擇偶條件係思想要有溝通,才能靈慾一致!可惜零眼緣,冇個啱Feel:「其實我要求好低,年紀細過我都冇所謂,只想揀個有愛心嘅好人,最後都無功而回。」採訪:方騫平

  雖然食白果,但煒哥唔覺可惜,覺得係一次難忘體驗。她憶述:「我先提供個人資料、擇偶要求畀配對公司安排,我參加咗兩場,一場係交換枱食飯;另一場做小手工,每場有20至30對男女,首次相睇,整裝待發時都有啲緊張。不過去到就發覺自己好似局外人咁,其他男女有備而戰,擺明姿態就係嚟搵男女朋友,同我心態好唔同,所以有啲尷尬。」

相睇好悶

  問到尷尬原因,煒哥話,「我一坐埋枱,好似面試咁不停向男仔講個人資料,講15分鐘就到下一個重複咁做,好悶,話題最多咪問吓佢哋做乜要咁樣去識女友?啲男仔反而最有興趣問我:『我哋會喺咩電視節目出鏡?』其實有咁多部攝影機拍住,佢哋都驚咗我啦。據講有啲男仔係IT人,有大學程度,年薪過百萬台幣(約25萬港元),因為成日困喺新竹科技園工作識唔到女仔,坦白講,佢哋唔識打扮好薯唔多吸引,睇見都冇晒心機。」

秋天姻緣

  相睇期間,煒哥忍唔住取笑人:「佢哋好多用網名,一個網名叫『薯片』,所以暱稱叫『洋芋片』,原來真人真係笨頭笨腦十足『薯嘜』咁,我問佢點解用呢個咁奇怪嘅名?佢解釋因為自己係姓楊。滿足完好奇心後,我就打發佢走,唔想再講落去。」煒哥又直認全場最索,「唔明點解有啲女仔唔打扮嚟相睇,都幾好笑。」之後,她到龍山寺求姻緣獲好籤,指她秋天有明確結果,煒哥好期待說:「聽聞舒淇都喺嗰度求到姻緣籤㗎!」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd