首頁 日報娛樂

超蓮蜜運 猷啟成幸福爸爸 Fit爆超雲 仙氣出關唔憂嫁

12/06/2019
迷人淺笑
■近年減磅、figure好靚嘅超雲穿上好蝦人着嘅入膊背心,全無半點贅肉。佢向記者微微一笑say hi,好靚呀!
迷人淺笑 ■近年減磅、figure好靚嘅超雲穿上好蝦人着嘅入膊背心,全無半點贅肉。佢向記者微微一笑say hi,好靚呀!(1/9)

        近日賭王何鴻燊家族喜事特別多,繼四房超盈大肚待嫁、猷君求婚成功兼女友奚夢瑤大肚似層層;三房亦唔輸蝕,猷啟秘婚生女,連超蓮都終於爆新戀情,sweet爆公佈同內地男星竇驍蜜運中,唯獨大家姐超雲自從13年同陳山聰分手後似乎仲未有着落。日前下午,淡妝超雲偕助手現身銅鑼灣。見近年愛上運動嘅超雲着上入膊背心加超貼身運動褲,身材勁fit。打扮低調簡樸嘅佢,主攻揀運動bra top,發現記者時淺笑say hi,索女唔憂嫁啦!

        賭王三房嘅28歲龍鳳胎超蓮和胞弟猷啟都已封盤,唯獨30歲超雲鮮有傳出戀情。做咗大姑奶嘅超雲,自13年初同陳山聰分手後一直單身,近年更變身宅女。除早年本報影到身邊有個苦追4年嘅肥仔觀音兵Kevin陪行街街,千金平日生活不外乎工作、做貓狗奴、閒時去街市貼地買餸煮飯仔,身邊唔係助手,就係媽咪,無異性埋身,但千金好enjoy宅女生活,今年2月30歲生日時更興奮話「好開心,快樂中女一個」!

自稱「開心快樂中女」

  日前下午4時許,一身運動look嘅超雲又係同女助手行銅鑼灣shopping。兩女在一間運動服裝店睇運動bra top。被胞弟猷啟踢爆靠做運動及清淡飲食嚟減磅嘅超雲化淡妝,清純亮麗,穿上入膊小背心,前後都無贅肉,身材激fit。睇咗近15分鐘,超雲都唔啱心水,就示意助手走人。臨出門時,千金發現有記者,主動微微一笑揮手say hi,仙氣滿瀉。曾被阿妹爆有大批追求者嘅超雲,條件超晒班,唔愁無嫁期囉!

採訪 : 梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd