首頁 日報娛樂

笑晒口搵愛女歎紅酒 66歲盧宛茵扮靚開棟篤笑

13/06/2019
■兩母女飲酒傾偈,Madam Lo個樣一臉滿足。
■兩母女飲酒傾偈,Madam Lo個樣一臉滿足。 (1/8)

  入行50年嘅甘草演員盧宛茵(Madam Lo),日前開記者會宣佈8月中於麥花臣舉行處女騷《盧師動眾Madam Show棟篤笑》,並正式為「飾演最多男藝人的母親」項目申請健力士世界紀錄。日前一連兩日,就見到佢不時行街shopping,買鞋、買首飾等扮靚開騷。其中一日,佢約咗餅印女happy hour,66歲嘅Madam Lo一邊飲紅酒,一邊同愛女談笑風生,學佢話齋最緊要開心享受人生嘛! 採訪 : 梁志明、李維隆

  被譽為「無線御用媽咪」嘅Madam Lo最少有70多位「兒子」,連古天樂、周星馳、鄭嘉穎等都演過佢個仔。日前傍晚6時,頭髮斑白但絕對係愛靚之人嘅Madam Lo,搽上鮮紅色唇膏現身銅鑼灣一商場。見佢喺首飾店揀手鏈、頸鏈等,買完首飾後,急步行向附近酒店,上咗間餐廳搵個吧位坐低。未幾,佢個餅印女前來會合。阿媽即order杯紅酒,阿女就飲白酒,兩母女happy hour後再撐枱腳食飯,幾咁開心。

  另一日傍晚,Madam Lo轉行金鐘太古廣場買鞋。見佢喺店內揀咗對黑色和金色平底鞋,試足15分鐘都先揀啱金色,就埋單畀錢。不過見佢未捨得走,同店員有講有笑,又拎支水飲吓,坐喺沙發慢慢吹水。半小時後,有位短髮阿太嚟搵Madam Lo,陪女友人揀多對鞋,兩女才結伴走人。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd