首頁 日報娛樂

《鐵探》帶挈人氣旺 蔣祖曼泰臣密密搵真銀 

14/06/2019
■Joman和泰臣勁鬼馬,去玩前竟寫下戰書。
■Joman和泰臣勁鬼馬,去玩前竟寫下戰書。 (1/7)

  蔣祖曼(Joman)和泰臣最近因《鐵探》而人氣急升,日前兩師兄妹獲邀為室內活動公園拍攝宣傳片,順道帶埋 Joman一對仔女去試玩,不但小朋友開心,他們亦好盡興。兩人都承認人紅自然工作多, 自爆將有劇集孭重飛的Joman,近排更密密搵勁收6位數;泰臣更會到澳門為阿根廷藝術騷擔任表演嘉賓。 採訪:杜淑霞

  Joman話去年已去過這個由芬蘭引入的室內活動公園玩過,所以被邀跟泰臣一齊為場地拍宣傳片份外開心,「嗰時已經覺得好好玩,今次趁機仲帶埋啲仔女去玩,阿仔12歲阿女4歲一樣有嘢啱佢哋玩,連家傭姐姐都玩得好開心。」

  講到因《鐵探》而人氣急升,Joman都承認多了很多活動同工作邀請,「真係多咗好多工作搵,好似今次拍呢個室內活動公園嘅廣告,仲要唔單止香港嘅工作,去到東南亞其他地方都有工作,呢段時間都有6位數進帳㗎!嚟緊又有好多演出傾緊,仲有劇集係戲份好重,遲啲公佈得再同大家分享。」

  即將去澳門演出的泰臣,亦承認多了不少工作,「《鐵探》雖然我戲份唔算多,但觀眾反應真係好好,出街都多咗人叫我『孝哥』,工作機會亦都多咗,嚟緊仲會去澳門為一個來自阿根廷嘅藝術騷做表演嘉賓,自己都好開心,第一次正式同國際團隊合作,同埋自己出身舞台,回歸返舞台係最開心嘅。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd