首頁 日報娛樂

整蠱娜姐不成反被玩謝 Kevin仔嚇到口震騰晒雞

14/06/2019
■KB愛上滑雪後,成個人都開心晒。
■KB愛上滑雪後,成個人都開心晒。 (1/8)

  貪玩的李健宏(Kevin仔)因網上整蠱節目《情義兩難全之玩爆你個腎》玩出名堂,其團隊製作的「玩X爆」旅遊系列第四彈「玩X爆二世古」已於ViuTV播出。今次KB找來周秀娜(Chrissie)及「文青女神」李靖筠(Gladys)等人助陣,KB大讚娜姐明知被呃去日本做嘉賓主持都唔計較,除肯素顏出鏡外,仲罕有煮飯畀大家食。但最令Kevin仔估唔到,就係娜姐竟然夾埋團隊玩佢一鑊甘,千年道行一朝喪。採訪:方騫平

  節目中還有徐濠瀠、曾國祥、郭偉亮及太陽娛樂CEO唐才智(Alex)、老闆周焯華等出鏡,一班人在北海道滑雪勝地二世古玩得相當痛快,滑雪同時,娜姐及李靖筠要去滑雪場打工,體驗當地文化及生活,兩人跟KB一齊食飯,喺牀上敷mask 寓娛樂於工作,可以拍攝到嘉賓真性情一面。

讚娜姐好演技

  感覺好Cool的娜姐原來好爛玩,Kevin仔爆料:「本應係我整蠱佢,安排個麻煩『客人』留難佢,點知『客人』係娜姐粉絲,惡搞嘅都冇做到。反過嚟我畀娜姐大整蠱,嗰日出發拍《健宏飯局》時佢假裝唔舒服,對談過程冇晒胃口,又無精神,當聽到我轉述網民嘅負面問題時就乘機發爛渣,大發脾氣掟完嘢拂袖而去,當時嚇到我騰晒雞,口都震,唔知點算好,仆倒出去道歉。」Kevin仔透露娜姐知道佢弱點,就係最怕朋友難受,所以就夾埋團隊玩佢。「唉,呢班人手指拗出唔拗入,不過,都要讚吓娜姐好戲,佢鋪排得好好,演得好有層次感。」他又欣賞娜姐工作夠認真,愈成熟愈有女人味,李靖筠就好大癲大肺。

  另外KB玩還玩,坦言唔敢整蠱老闆,仲帶唐才智去坐雪兜。他說:「太陽娛樂好open,肯為個節目做隻主題曲《最緊要貪玩》,歌詞有講:我係四十死中坑老嘢,夾BAND玩半世嘅一個傻仔,家陣四十歲先搵到真正嘅快樂,滑雪唔會有比較,大家互相分享,啟發到我用呢種開心態度面對人生。」





其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd