首頁 日報娛樂

在警署門外拍外景 楊明被縱火案嚇親

14/06/2019
■楊明、John哥、Helen及樓嘉豪在新劇中演一家人。
■楊明、John哥、Helen及樓嘉豪在新劇中演一家人。 (1/7)

  上周五端午節假期,楊明、高海寧(高Ling)為新劇《網絡騙案》在九龍城警署門外拍外景,同日灣仔警察總部外一部警車及跑馬地警署門口接連被擲燃燒彈,兩宗縱火案令警方大為緊張,因為專心拍攝,對此全不知情的楊明順利完成,事後他得知有關消息都嚇一嚇。採訪:方騫平 攝影:李權威



  最近楊明唔只做男一,仲做埋大忙人,忙到連時事新聞都追唔切,對拍攝當日警車及跑馬地警署接連被擲燃燒彈縱火案懵然不知。原來當晚楊明走兩場,先去《婚姻合伙人》結局飯局撐場,報完到後就飛車趕去九龍城開工,因為遲咗,搞到前輩姜大衛(John哥)及馬海倫(Helen姐) 喺大熱天下,企喺戶外等足一小時。楊明嚟到即向John哥鞠躬致歉。

  當晚場口講John哥、Helen涉及一宗詐騙案,大仔楊明,細仔樓嘉豪及幾個街坊一齊去警署錄完口供離開。身穿西裝,飾演高級督察的楊明在該場戲沒有對白,只係聽父母講話做反應,最搞笑係有個鏡頭John哥、馬海倫企位疊咗楊明,John哥和Helen帶笑一唱一和玩楊明說:「疊咪疊囉,o依家紅大晒呀,套套都有你,係咁㗎啦,要疊吓㗎嘞。」楊明笑個不停。

  問到三人可會擔心喺敏感時間,在警署門外停留會誤中副車?楊明聽到有關新聞後一臉愕然,瞪大雙眼:「係咩?嘩!」John哥:「係呀,有兩單添呀,不過,拉咗人喇!」楊明即拍拍心口,鬆了一口氣!John哥向他大派定心丸:「唔使擔心,我哋有咁多人,唔使驚!」

其他文章
Busking靚聲王 唱而優則演 黃進林感激范振鋒提攜

  由范振鋒親自發掘、又是太太李思欣師弟的新晉歌手黃進林(Michael),畢業於香港演藝學院...

hd