首頁 日報娛樂

大手拖小手 溫馨出巡 陳豪孭卡通bag做絕世奶爸

14/06/2019
「撻」手指帶路
■陳豪拖囡囡過馬路時,因Camilla望嚟望去慢吞吞,慈父唯有出招,「撻」手指示意B女望前,好搞笑。
「撻」手指帶路 ■陳豪拖囡囡過馬路時,因Camilla望嚟望去慢吞吞,慈父唯有出招,「撻」手指示意B女望前,好搞笑。(1/8)

        48歲嘅陳豪(阿Mo)出晒名係滿分人夫和daddy,嚟緊周日父親節梗係同愛妻陳茵媺(Aimee)陪三位小寶寶慶祝啦!不過阿Mo日前由土耳其拍完Do姐(鄭裕玲)節目返港,就急不及待帶3歲小公主Camilla出巡,兩父女提早溫馨慶祝父親節。日前下午,大隻Mo拖實愛女現身中環,高大daddy拖實小手又替愛女孭上粉紅色卡通背囊,平日man爆嘅陳豪,呢個絕世奶爸造型更加係父愛爆晒燈,畫面好warm呀!

型男陳豪和索爆老婆Aimee一三年結婚,三年抱三,兩子一女分別3至5歲,一家五口鬼咁幸福!被譽為「絕世好老公」嘅人夫陳豪,每次講起家人就一臉滿足兼自豪,曾讚太太係「超級媽咪」,又公開愛的宣言話:「佢(Aimee)係我嘅Angel,難得娶到個好老婆,喺事業高峰期嘅時候同我生咗3個小朋友,所以我會記住,用成世嘅時間畀幸福佢!將老婆擺第一位!」sweet到爆!

照顧囡囡無微不至

        日前下午3時,輪到陳豪做湊仔公,更難得係同小公主二人世界,獨自湊「迷你版Aimee」、3歲囡囡去中環一商廈返playgroup。逗留45分鐘,兩父女拖手落樓,阿Mo除咗替囡囡孭上粉紅色卡通背囊,心口又貼咗張粉紅色貼紙。見佢喺「前世情人」面前顯得超級溫柔又冧滋滋,拖實小手又用英語緊張叮囑愛女小心落樓梯,照顧無微不至。Man爆阿Mo孭住個卡通bag拖愛女沿路行好自豪,過馬路時非常緊張,皆因小公主愛左顧右盼歎慢版,daddy要手口並用,溫柔出招,「撻」手指示意B女望前向行面,場面惹笑。之後,兩父女行入商場取車,紮辮小公主有冷氣歎開心到蹦蹦跳,o氹到daddy甜笑。而沿途有唔少途人認出陳豪,向星爸和小公主揮揮手,一臉滿足嘅阿Mo均報以點頭微笑,又教愛女say hi,好有家教。最後,慈父揸車載愛女直返港島寓所。

採訪 : 張詠森

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd