首頁 日報娛樂

中環恩愛放閃 阿叻秀姑拍拖食雲吞麵

17/06/2019
■其實以68歲嚟講,阿叻叫Keep得好。
■其實以68歲嚟講,阿叻叫Keep得好。 (1/7)

  陳百祥唔經唔覺已68歲,因為無乜煩惱,諗嘢又比較樂天,所以Keep得非常好,叫外國人估佢年齡,聽到答案係68歲應該會發癲。日前下午,阿叻同秀姑去中環食老字號雲吞麵,恩愛滿瀉。  採訪:張詠森、李維隆

  阿叻對時事及娛樂新聞一向有獨特見解,例子有太多,多到出一版都講唔晒,最新有提到月前好爆嘅「安心偷食」事件,阿叻表示男歡女愛無乜大不了,哦。

選坐門口位

  日前中午食Lunch時間,阿叻架七人車喺中環威靈頓街出現,之後見阿叻同秀姑落車,行去老字號雲吞麵舖,兩人選坐近門口位置。雖然資深藝人光臨,但食客無特別大反應,食咗半個鐘,秀姑拎住罐汽水緊隨阿叻離開,可能阿叻件黑色上衣質地比較軟又貼身,佢找數時,側面望佢明顯可見肚腩位隆起,咁阿叻平時出活動都幾識得着衫喎,從來唔覺佢肚腩有咁大。食飽飽,秀姑繞住阿叻手行去上車,結婚近40年仍然好恩愛。

其他文章
Busking靚聲王 唱而優則演 黃進林感激范振鋒提攜

  由范振鋒親自發掘、又是太太李思欣師弟的新晉歌手黃進林(Michael),畢業於香港演藝學院...

hd