首頁 日報娛樂

18歲愛女高過媽咪 黃佩霞 「兩姊妹」溫馨買梳

18/06/2019
■身為瑜伽導師嘅黃佩霞年過半百,外貌保鮮,身旁嘅女兒Camelot好高大。
■身為瑜伽導師嘅黃佩霞年過半百,外貌保鮮,身旁嘅女兒Camelot好高大。 (1/5)

  53歲嘅前名模兼瑜伽教師黃佩霞(Almen),日前先飛咗去美國出席繼子Zansker嘅大學畢業禮,呢位滿分後母日前又被本報影到孖親女Camelot(黃盟諾)在港shopping。當日晚上,見細細個成日陪母出席活動嘅Camelot現已好高大,18歲嘅星二代仲高過媽咪,兩母女有講有笑,似足「姊妹」咁溫馨買梳。採訪 : 梁志明

  黃佩霞早排和美籍老公Ryan、親女Camelot齊齊飛咗去美國,出席繼子Zansker喺Whitworth University大學嘅畢業禮,見證阿仔戴上四方帽,Almen勁開心。

  日前晚上,Almen喺香港如常湊女生活,見素顏嘅佢和18歲愛女Camelot行銅鑼灣。自細與母親相依為命嘅Camelot,幾歲人仔已跟單親媽咪出席活動,眼大大好鬼可愛,唔經唔覺已亭亭玉立,去年都中學畢業嘞!當晚高大阿女和媽咪喺一間髮型用品店揀梳,二人有商有量,阿女仲不時笑笑口,同媽咪全無代溝。囡囡揀完兩把梳,Almen即自動波拎出銀包畀錢找數,然後兩母女再行去附近商場搵餐廳dinner。

其他文章
Busking靚聲王 唱而優則演 黃進林感激范振鋒提攜

  由范振鋒親自發掘、又是太太李思欣師弟的新晉歌手黃進林(Michael),畢業於香港演藝學院...

hd