首頁 日報娛樂

讚郭碧婷入行多年零污染 向佐帶仙氣未婚妻恩愛襲港

18/06/2019
笑晒口甜拖
■高大向佐man爆拖實甜美未婚妻郭碧婷步出潮店。女方嚟港又有禮物收,開心到成個小朋友咁彈住行又大笑。
笑晒口甜拖 ■高大向佐man爆拖實甜美未婚妻郭碧婷步出潮店。女方嚟港又有禮物收,開心到成個小朋友咁彈住行又大笑。(1/9)

        向華強兒子、34歲嘅向佐(Jacky)今月3月喺台北,在雙方父母及親友見證下向拍拖數月嘅寶島女友郭碧婷成功求婚,蜜運中嘅戀人其後形影不離,早前拍拖去日本賞櫻後,又齊齊現身成都出席活動甜蜜放閃。日前,呢對恩愛CP更甜蜜襲港,拖手現身銅鑼灣連體shopping。當日Jacky一行5人浩浩蕩蕩在潮店睇衫,但準新人眼裏只有對方,二人不時咬耳仔又冧望甜笑,閃到眼盲!

        在內地人氣超強嘅向佐,去年尾因拍攝內地真人騷《最美的時光》而與大眼靚女郭碧婷撻着,今年初二人被網友目擊拖手同遊台北當代藝術館,當時向佐回應「那你看到甚麼就是甚麼」默認戀情。其後連向太都開綠燈,大讚兩人合襯,認咗郭碧婷做準新抱。至3月17日,Jacky在台灣搞咗個浪漫求婚儀式,特別在下午5:20(普通話諧音我愛你)向女友單膝求婚,而5卡求婚戒指亦刻有二人英文名字「Jacky Love Bea 2019」嘅字樣,一切盡顯心思。拍拖幾個月就心急求婚,Jacky坦言「唔想錯過郭碧婷」,並大讚女友入行咁耐都無受到污染。

  日前傍晚,呢對恩愛CP拍拖返到嚟香港嘞!好耐無喺香港現身嘅Jacky依舊高大有型,留咗少少鬚根睇落更man。見佢和未婚妻着上白色情侶裝拖手現身銅鑼灣百德新街一間潮店,同行還有一男兩女助手陪同。做得向太陳嵐新抱仔,郭碧婷外形滿分,眼大鼻高長髮,集齊女神特質,加上被向太激讚性格好,pure又省鏡,好難搵㗎!

  見Jacky好快陪未婚妻揀咗批衫,之後二人企埋咬耳仔又冧望甜笑。郭碧婷不時出手摸吓男友塊面和耳環,Jacky顯得好受落,全程笑咪咪,甜到入心。而向佐嫂亦即席表演散發仙氣,除下白帽猛咁望鏡撥弄長髮,嘴唇半開,電力十足。逗留半小時,眾人步出,見郭碧婷被man爆男友拖實時超級開心,成個小朋友咁彈住行又笑到見晒牙,然後好溫馨咁行過對面馬路上七人車走人。

採訪 : 梁志明

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd