首頁 日報娛樂

等食不忘跳跳舞 陳國峰遺傳囝囝音樂感

19/06/2019
■一家三口出動搵食,國峰負責推住囝囝架BB車,唔使扮到靚靚的太太勞動。
■一家三口出動搵食,國峰負責推住囝囝架BB車,唔使扮到靚靚的太太勞動。 (1/6)

  「巨聲二幫」隊長陳國峰,雖然近年以拍劇和主持工作為主,但依然冇放棄過唱歌夢想,今年4月仲喊住舉行首個個人騷,而國峰隊長睇嚟將對音樂的熱誠亦遺傳咗畀囝囝陳梓燐(Regan),日前他一家三口去銅鑼灣食嘢,兩父子等食時聽見餐廳音樂即時手舞足蹈跟住郁,好鬼溫馨。 採訪:梁志明

  中泰混血兒陳國峰,本來做健身教練,但實在太愛唱歌,於是09年毅然參加《超級巨聲2》,雖然最終只得個第六名,但一直表現淡定的他,被參賽者選為隊長。後來正式入行,雖然主力做《兄弟幫》等主持工作及拍劇,但國峰隊長冇放棄過唱歌夢想,去年仲在旺角舉行人生首個個人騷,他仲感動到在台上流下男兒淚。

有樣學樣

  雖然歌手夢唔算順利,但國峰家庭生活卻十分美滿,16年與拍拖8年的圈外女友黃思雅結婚,翌年9月,誕下兒子Regan 。日前下午4點幾,他們一家三口出動到銅鑼灣搵食,起初在希慎廣場樓下國峰和老婆左睇右睇,始終唔啱心水,結果轉場去時代廣場,最後揀啱10樓的Greenhouse坐低。國峰話晒是日式拉麵店老闆,但在西餐廳揀嘢食重任卻交給陳太負責,兩父子未有嘢食就自創解悶妙法,聽見餐廳音樂國峰先跟住郁,1歲多的囝囝亦有樣學樣郁埋一份,坐喺位都照跳舞,認真high。不過兩個都好乖,嘢食一到即時放低練舞工作大啖食,唔使陳太勞氣。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd