首頁 日報娛樂

帶5歲大仔溫馨賀父親節 諸葛紫岐少女味晒長腿冧老公

19/06/2019
激白靚腳
■做model入行嘅Marie,身材好fit,呢日生完仔兩個月就極速瘦身晒招牌靚腳,成身潮味打扮好青春。
激白靚腳 ■做model入行嘅Marie,身材好fit,呢日生完仔兩個月就極速瘦身晒招牌靚腳,成身潮味打扮好青春。(1/9)

        名媛諸葛紫岐(Marie)與Neway太子爺薛嘉麟(Ernie)結婚7年,13年為老公誕下現年5歲嘅長子薛華韜(Arthur)後,今年4月尾突開心報喜,宣佈已於加拿大誕下細仔Andersen,並已帶B仔返港坐月。剛過去嘅周日父親節,忙湊baby變深閨嘅Marie,暫時撇下小王子,帶大仔Arthur陪老公去數碼港睇戲慶祝。當日見瘦身速度驚人嘅Marie已回復孕前纖瘦身材,並着上熱褲晒白滑長腿吸睛。最搞笑是兩夫婦掛住繞手甜望手機時忽略咗寶貝仔,搞到大王子好無癮呀!

        身形向來好slim嘅Marie,今年1月現身時仍零孕味,4月尾忽爆喜訊,公佈同月初在加拿大秘密生豬baby,B仔重6.8磅,大仔Arthur更為弟弟挑選名字叫Andersen。當日人妻又表示以自然分娩生,要體驗生B十級陣痛。老公Ernie當然好識做,計劃待愛妻坐完月就陪佢環遊世界以作慰勞,更有指兩公婆早前睇中一個位於西半山、開價2億坐擁無敵海景嘅頂樓4,000呎Penthouse,似有意換大屋,畀兩位小王子有更多活動

空間。

睇2億豪宅

  再度做媽咪,Marie近日忙着照顧大小王子,但周日嘅父親節都要陪另一半慶祝一吓啦!當日下午,Marie一家三口加埋兩外傭浩浩蕩蕩現身數碼港商場。已為兩子之母嘅35歲Marie一身打扮散發少女味,潮tee配型格牛仔褸、熱褲晒長腿,非常養眼。而5歲半Arthur手長腳長好高大,似足媽咪。一家人睇完電影《阿拉丁》後,就趕住行出商場門口等司機,心急返家湊B。只見青春人妻繞實老公手臂貼頭溫馨睇手機,兩夫妻全無秘密。兩公婆二人世界時,連大仔走近都唔理,搞到阿仔無晒癮,企埋一邊露出悶樣等車,最後一家上車返家。

採訪︰張詠森、李維隆

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd