首頁 日報娛樂

阿囝陪食又管接送 黎耀祥揮晒手好開心

20/06/2019
■有啲藝人唔鍾意非工作時間見到記者,但祥仔好OK仲不斷揮手,好包容好體諒啊。
■有啲藝人唔鍾意非工作時間見到記者,但祥仔好OK仲不斷揮手,好包容好體諒啊。 (1/7)

  黎耀祥個仔黎正橋話咁快21歲,喺美國三藩市讀書嘅正橋近月放假返港,撞正父親節,忙完宣傳首部內地劇《鳳弈》幾清閒嘅祥仔應該好開心。日前下午,祥仔一家三口去圓方食上海菜,阿囝唔止陪食,仲揸車管接送,難怪祥仔係咁笑,見到記者仲不斷揮手,Hi親善大使。

  55歲嘅TVB三屆視帝黎耀祥去年約滿TVB後,改簽部頭約全力外闖,首部內地劇現正播映,對於遲來的北上發展,祥仔坦言唔係完全為錢。佢話︰「最大原因係個仔大嘞,可以唔使為錢做嘢,可以從多方面去考慮,為興趣為刺激,也為新環境。」

一家人幾好傾

  貴為三屆視帝之前自然搵唔少,加上年初佢見樓市回升,沽出持有12年的深井碧堤半島物業,帳面勁賺793萬元。祥仔坦承賣樓賺到「幾球」(幾百萬),現時無持有物業,一家人只租樓住,儲埋大把自然唔使為錢做嘢。日前下午2點,祥仔同老婆喺圓方搵嘢食,見佢入咗一上海菜館,坐埋位點埋餸,21歲好高大嘅囝囝Fing住車匙入去會合,估計阿仔負責揸車,放低兩老泊好車再入餐廳,有傾有講食足一粒鐘,離開時祥仔發現記者即刻揮手,去完廁所出嚟又繼續揮手,成個親善大使咁。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd