首頁 日報娛樂

泰臣自評達90分以上

21/06/2019
■泰臣出場時,先在巨型跑步機上喪跑,少啲體力都唔掂。
■泰臣出場時,先在巨型跑步機上喪跑,少啲體力都唔掂。 (1/8)

  泰臣上周六(15日)獲澳門美獅美高梅邀請為美高梅劇院的阿根廷極限表演《FUERZA BRUTA WAYRA》的著名橋段《Corredor:奔跑吧,極速人生》,擔任表演嘉賓,他要在臣型跑步機上瘋狂奔跑、穿越不同障礙,比喻人生經歷不同挑戰及掙扎。他事前專心留在澳門綵排及苦練體能,他坦承要在短時間內用好大運動量,一度擔心應付不來,最終順利演出超有滿足感,仲自評有90分以上,更預告29日會再演出,相信到時會表現得更好。  採訪:杜淑霞

  泰臣最初知道要做該段演出時第一個反應,「嘩!又要吊威也,又要撞牆,仲要跑得咁急咁勁,好考體能喎!我不嬲覺得自己體力麻麻地,本身個演出者跑得咁快,對腳咁長,我對腳標準長度㗎嘛!」不過佢強調一直流住劇場嘅血,只是未搵到好機會再踏舞台,「我一直想做多啲挑戰自己、帶畀觀眾多啲體驗嘅騷,無論同本地定係其他地方嘅團體合作都好,今次難得係個國際性嘅騷,真係好好機會,令我更加想接,覺得會好好玩。」

自誇寶刀未老

  泰臣只花了四日每日一小時去練習,正因時間不足,令他好大壓力,「我最擔心腳唔掂,我對腳一向肌肉練習唔係好夠,膝蓋負荷好重,我平時自己落街跑步,都唔跑得耐,所以對自己身體唔係好信任,同埋排練時間太短,好擔心唔記得,好彩自己猛睇佢哋啲片去記住,而且製作單位教我嘅指示好清色,所有錦囊都講晒我聽。」

  最終泰臣順利完成,他對自己表現極之滿意,「真係有太多感受,首先本身好擔心唔能夠好完美地,每個點都做到,開騷前真係好緊張,好彩一路做熱身練習,起初表演時都唔係太順,好似對腳唔係自己咁,但慢慢先順番信心就返嚟,記番排過嘅嘢,完成真係好開心,好滿意,我覺得自己每個點都幾準確完成,跑完之後自己個心真係紅咗,對人生充滿咗熱情同希望,同對自己能力同信任多咗好多。今晚我應該有90分以上,差咗啲係有小小緊張,好彩用經驗搭夠放番落表演度,正所謂寶刀都未老。」對於6月29日再演一場,他坦承勁開心,「唔知係咪因為我表現良好呢?其實佢哋唔提出我都會爭取,因為感覺真係好正,想經歷多一次,第二次應該做得更準,同觀眾互動多啲,仲會好好享受個舞台。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd