首頁 日報娛樂

同朋友大排檔吹水 蔡穎恩原來好Talk得

21/06/2019
■Evelyn與女友人邊食車仔麵邊吹水,傾得好開心。
■Evelyn與女友人邊食車仔麵邊吹水,傾得好開心。 (1/7)

  29歲的模特兒蔡穎恩(Evelyn),近年積極做KOL。雖然對感情事一向低調,但拍拖6年的攝影師男友譚運佳去年憑電影《空手道》獲提名香港電影金像獎「最佳攝影」,當時她即表示恨嫁,可惜「婚事」仍然冇乜聲氣。早前她撇甩男友約埋三五知己在大坑食車仔麵和飲咖啡,全程她與女友人吹水勁開心,男友人就齋聽無乜點出聲。

採訪:梁志明、李維隆



  全職做KOL的Evelyn主力出席不同品牌活動賺錢,工作唔太忙但依然搵到食,屬半個圈中人嘅佢感情生活低調處理,但去年男友憑電影《空手道》獲提名金像獎「最佳攝影」時曾開心到爆喊及講到明恨嫁,當時她表示唔介意今年派利是,可惜一年過後依然冇乜聲氣。

  早前Evelyn相約幾個朋友到大坑大排檔食車仔麵,見她與女友人特別好傾,一直雞啄唔斷,邊食邊笑非常開心,而男友人就聽多過講,場面都幾得意。之後兩位女士傾唔夠,仲要轉場飲咖啡繼續傾,幾位男士惟有繼續奉陪,期間男友人見悶就在咖啡店外抽煙。逗留了約1小時,而Evelyn就行返去附近嘅屋企。

其他文章
Busking靚聲王 唱而優則演 黃進林感激范振鋒提攜

  由范振鋒親自發掘、又是太太李思欣師弟的新晉歌手黃進林(Michael),畢業於香港演藝學院...

hd