首頁 日報娛樂

老夫老妻拍拖湊孫 甜心爺爺尹光溫柔餵孫女

21/06/2019
■打扮新潮嘅尹光和愛妻陪兩歲孫女行商場。
■打扮新潮嘅尹光和愛妻陪兩歲孫女行商場。 (1/7)

  有「廟街歌王」之稱嘅尹光,雖然七十有二,但寶刀未老,月前獲環星老闆張國林賞識加盟旗下,簽約10年,唱到2029呀!日前傍晚,尹光偕愛妻李麗儀湊兩歲小孫女行金鐘商場。見甜心爺爺除咗餵小公主食餅仔、飲水外,仲不時拖實小手溫柔呵o氹,兩爺孫玩得好開心。採訪︰李維隆

  尹光嘅經典口水歌眾多,如《荷里活大酒店》、《你阿媽大減價》等,而緊貼潮流嘅佢早年先後跟MC Jin、農夫、側田等合作,潮唱rap歌,就算兒子Kenny 17年做咗老竇,生咗個小公主,榮升爺爺嘅尹光都講明絕唔會弄孫為樂而減產,仲揚言永不言休,唱到80歲。

唱到80歲

  日前傍晚,尹光同結婚逾36年嘅太太李麗儀湊兩歲孫女去金鐘一商場行街。爺爺級嘅尹光打扮新潮,牛仔褲配波鞋,頭髮又濃密,加上得閒就打乒乓波,身形keep得好好,只係有個小肚腩。恩愛夫婦陪紮辮小孫女行吓,大眼小公主孭住個手袋仔,好活躍不時跑嚟跑去,間中又玩吓個玩具電話,cute爆。其間,尹光老婆買咗杯台式飲品,三人就坐低hea吓,爺爺溫柔餵小公主食餅仔和飲水,照顧周到。臨走時,嫲嫲先帶孫女如廁,孫女出嚟時,尹光張開雙手同寶貝玩,兩爺孫開心大笑,溫馨滿瀉。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd