首頁 日報娛樂

唔怕影響形象 韓君婷馬路邊煲煙止癮

21/06/2019
■垃圾桶喺正路中心,所以一眼就望到韓君婷。
■垃圾桶喺正路中心,所以一眼就望到韓君婷。 (1/7)

  43歲嘅韓君婷3年前回流香港轉行做OL,不過,自去年媽媽離世便辭工重投娛樂圈做主持,話晒曾經係97年亞姐冠軍,做過明星,但呢位鬼妹唔係太理形象,銅鑼灣街頭突然煙癮起就企喺馬路邊大力扯煙止癮,外觀幾趕客。 採訪:梁志明

  鬼妹22歲當選亞姐冠軍,樣靚身材好,喺娛樂圈大把機會,之後更由亞視過檔去無線發展,事業本來不錯,但情路坎坷,初戀男友患肝癌離世,之後多次拍拖均分手收場,仲患上抑鬱症及厭食症,近年母親因病離世,加上浴室滑倒而仆崩鼻要做手術被外界指指點點,佢嘅人生的確幾苦。

不斷撳電話

  當晚8點,着得好輕便梳咗馬尾嘅韓君婷路過銅鑼灣時代廣場,見佢喺廣場附近嘅一個垃圾桶旁停低,然後摷袋,再拎咗包煙出嚟,拎煙之後當然係點火,用力一吸一呼面露滿足之情,話晒企喺馬路邊,唔想同路人四目交投,所以鬼妹不斷撳電話,兩分鐘後,用力扯完最後一啖就行去便利店增值八達通,最後上咗南洋酒店附近一棟大廈。

其他文章
Busking靚聲王 唱而優則演 黃進林感激范振鋒提攜

  由范振鋒親自發掘、又是太太李思欣師弟的新晉歌手黃進林(Michael),畢業於香港演藝學院...

hd