首頁 日報娛樂

瞓身演「小三」勤練廣東話 張建聲大讚松岡李那專業

21/06/2019
■Justin和Linah合作後成為好朋友,擺親密甫士都不覺尷尬。
■Justin和Linah合作後成為好朋友,擺親密甫士都不覺尷尬。 (1/6)

  張建聲(Justin)監製及孭飛的新戲《作家的謊言:筆忠誘罪》最近上映,演作家的張建聲,搵來松岡李那(Linah)演「小三」角色,他大讚對手為演好角色苦練兩個多月廣東話,更自發日日拍片做功課。戲中兩人瞓身演出不少情慾戲,但Linah 謂事前排好晒,而且點到即止;Justin亦唔使同女友陳嘉莉報定案。 撰文:杜淑霞 攝影:李維隆

形象:Samantha Cheung(張建聲) 服裝:Snidle(Linah)、Trim Studio(張建聲) 場地:CUBUS 28

  首次做監製的Justin 兩年前睇劇本已好鍾意,但當時未夠能力,後尾獲老闆蕭定一鼓勵,正式搵投資者,但遇上好多困難,「除咗好多時似白做咁,用錯力去同投資者傾,甚至差啲畀人抄橋一腳踢開,不過我認為係一個好好嘅學習經驗,所以由始至終都覺得今次自己係個學徒,唔係咩監製。」

  Justin好感激台前幕後都好合作,特別是兩位女主角,「何佩瑜主動增肥20磅兼素顏演出,Linah就苦練咗兩個幾月廣東話,就算喺夏威夷工作緊,都主動拍片交功課畀我同翻譯,佢哋減輕咗我好多壓力,可以專注番其他方面。」Linah 話學廣東話確實好困難,「但好多謝Justin同劇組信任,自己都想挑戰吓去完成。」但要她即場講番句戲中對白,她竟然只記得句夾雜粗口的對白,Justin就幫手解釋因Linah 每次講大家反應都好大,所以她特別有印象。Linah 又坦言對於戲中的性感演出唔擔心,「事前同Justin綵排好多次先正式拍攝,而且點到即止。」雖然拍攝時兩人曾傳緋聞,但Justin話拍情慾戲事前唔使同女友陳嘉莉報定案,他更強調要公私分明,所以冇安排女友演更重要角色。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd